O pasado martes pola noite estreouse na Televisión de Galicia un novo programa divulgativo chamado Caixa Negra, que repasará semana tras semana diferentes acontecementos da historia do noso país recollendo a opinión e as lembranzas dos protagonistas dos feitos.
Para a estrea deste programa que conduce o popular Fernando González “Gonzo”, elixiron a Operación Nécora e, por suposto (e por desgraza), a nosa vila aparece en diferentes momentos do documental, así como as declaracións do cura párroco de Santa Mariña, José Aldao.
Aldao, que mantén que o problema das drogas está lonxe de ser solucionado, responsabiliza aos pais e aos avós dos rapaces porque poñen demasiados cartos nos seus petos: “a que xogamos?” , pregunta o párroco de Cambados.
Ademais del, participan no programa persoas como Felipe Suárez (Radio “Arosa”), Enrique León (ex comisario xefe da UDYCO Galicia), Sito Vázquez (alcalde Vilagarcía 1979-1989), Carmen Avendaño (fundandora de Érguete) ou Vázquez Taín (xuíz Vilagarcía de Arousa 1999-2005).
Podes ver o capítulo dedicado á Operación Nécora premendo aquí.
Cambados(tk) 
Conversa
Os comentarios están pechados.