Archive for

O deputado Bieito Lobeira xa preguntou no Parlamento pola carta de Tourís

Fíxoo o pasado venres 12 no Rexistro Xeral de Entrada do Parlamento de Galicia. O deputado do BNG cre que que a “misteriosa” carta que chegou aos cambadeses con franqueo pago é unha autogabanza de Tourís da súa anterior responsabilidade como alcalde de Cambados e unha defensa no novo rexedor.

Lobeira asegura que esta carta non contén información nin insitucional nin imparcial, e si cun carácter partidista e sectario, ao servizo do Partido Popular.

Bieito Lobeira remata dirixíndose ao Goberno de Galicia con preguntas para a súa resposta escrita:  

Cal é a explicación da Xunta en torno aos feitos denuncidaos? Cal foi o valor económico do envío de milleiros de cartas? Vanse depurar responsabilidades por estes feitos? Que medidas se adoptarán para que non se repitan feitos desta natureza no futuro?

Do mesmo xeito, Víctor Caamaño, voceiro local do BNG,  anunciará en breve a presentación dunha iniciativa semellante para o vindeiro pleno municipal do Concello de Cambados.