//
estás a ler...
Cambados, Galiza

Trescentas persoas en defensa do ensino en galego


concentraciongalego

O acto de protesta contra as medidas antigaleguizadoras do Goberno da Xunta no ensino contou cunha boa participación na tarde de onte en Cambados. O Paseo da Calzada ateigouse cunhas trescentas persoas unidas polo seu compromiso coa lingua deste país.

Representantes de ANPAs, colectivos de mestres e profesores de Secundaria, equipos de Normalización e Dinamización Lingüística,  asociacións de mestres, …todos en defensa do ensino en galego.

Empregáronse as palabras de escritores e escritoras que xa de vello, e tamén de novo, veñen loitando pola  nosa lingua. Así, na tarde de onte isto foi o que soou no centro de Cambados pasadas as oito e media da tarde:
Carmen leu “O ladrón das palabras” de  Sechu Sende. Mariña, Cantares Gallegos de Rosalía. Antía, “A lingua das fadas” de Lamas Carvajal. Álvaro “A fala é comuñón e sentimento” de Manuel María. Celia, “Deitado frente ó mar” de Celso E. Ferreiro. Elena, “A fala” de Manuel María. Breixo, “Galicia” de manuel María. Alma Losada, “Galicia, nai e señora” do Poeta da Raza, de Cabanillas. Viqui, o relato de sechu Sende, “Ás veces sinto que no meu país faltan palabras”.

E para rematar a mobilización, o grupo “Ventiños” de Oubiña puxo á música por medio dos instrumentos tradicionais galegos e interpretou o noso Himno. 

Máis información na web do colectivo de nais e pais Casaescola.

 

concentraciongalego2

concentraciongalego4

concentraciongalego6

concentraciongalego3

Advertisements

Conversa

Os comentarios están pechados.

Nas redes sociais

Xuño 2009
L M M X V S D
« Mai   Xul »
1234567
891011121314
15161718192021
22232425262728
2930  

Arquivo

wordpress counter

Escribe o teu enderezo de correo electrónico para seguir este blogue e recibir notificación dos novos artigos.

%d bloggers like this: