Archive for

The Henry Warnimont tocará este venres en Meaño

Será na Festa da Xuventude de Simes na noite deste vindeiro venres 21 de Agosto. THW é un grupo de música de Cambados do que forman parte Berto (batería), Ruvy (baixo eléctrico), Buchán (guitarra rítmica), David (guitarra solista) e Yoli (voz), e que naceu a partires do anterior grupo chamado En Play Back. Recentemente amosaron o seu traballo o mércores da Festa do Albariño 2009 e anteriormente noutros moitos concertos, a destacar a súa participación no FluPop organizado por Nova Producións. Nas últimas semanas estes rapaces estiveron traballando na súa primeira gravación de estudo.

Este venres comparecerán en Meaño xunto a outras bandas, como os tamén cambadeses Extrume ou Los Pablos. Haberá tamén un Dj pinchando e outro grupo sorpresa. Sen dúbida un bo plan para este venres 21 de Agosto.