Archive for

E outro máis: interesante blog sobre Ramón Cabanillas

Posted by Óscar ⋅ 05/09/2009

blogcabanillas A través do descubrimento que facían desde Unha Grande Chea, pódese visitar un novo blog sobre o poeta Ramón Cabanillas. Esta web tamén é da autoría de Maribel Iglesias, e nela poden atoparse varios dos textos do cambadés, así como pezas de autores internacionais que o escritor versiou en galego logo na súa obra. Noraboa a Maribel Iglesias polos seus espazos en internet, que sigan adiante!

Esta imaxe, como pode supoñerse, foi extraída do blog en cuestión.

Fotos antigas de Cambados, outro blog do noso Concello

Posted by Óscar ⋅ 05/09/2009

fotosantigascambados Pódese ler na frénetica UnhaGrandeChea.org.es. Fotos antigas de Cambados é unha nova web en blogspot que recolle, como ben indica o seu nome, algunhas das fotografías da colección que a profesora Maribel Iglesias Baldonedo incluiu no seu libro presentado en Xaneiro Ramón Cabanillas Enríquez, Biografía en imaxes. Se coñeces a algunha persoa das que aparecen nas fotos ou queres enviar máis podes poñerte en contacto a través de mariasorey (arroba) gmail.com.

A imaxe, obviamente, foi extraída do blog mencionado.

A reforma dos colexios terá que agardar, disque non hai cartos

Posted by Óscar ⋅ 05/09/2009

As reformas xa comprometidas que ían ser levadas a cabo nos colexios públicos de Magariños e Santo Tomé terán que esperar a que remate a crise.

No caso de San Tomé trátase de ampliar o centro debido á alta matrícula que se está a dar. O proxecto tratábase de construír un novo edificio ao carón do xa existente con novas aulas, entre elas de inglés e música, e biblioteca. No caso de Magariños a idea era acometer reformas estruturais, xa que desde a súa contrución non se mellorou nada neste sentido. Os técnicos de Educación xa avisaron: San Tomé terá que agardar a que haxa cartos e Magariños non poderá comezar as obras até que rematen no outro centro cambadés.