Archive for

A confraría condeada a readmitir a un traballador por despido improcedente

Un traballador da fábrica de xeo terá que ser readmitido logo de que unha sentenza xudicial recoñecera o seu despido como improcedente. O sindicato Comisións Obreiras manifestou que a sentenza recolle ademais o dereito do traballador a cobrar os salarios que non ingresou no período no cal foi despedido “pola decisión do patrón maior e o seu entorno”.

Segundo fontes sindicais os feitos tiveron lugar cando o traballador se dispoñía a entregar unha serie de documentos que probaraban a existencia de supostas “irregularidades”. CCOO pide ademais á Consellaría do Mar que realice unha auditoría á Confraría e lembran que durante este tempo houbo outra senteza do TSXG sobre irregularidades no proceso electoral do Pósito cambadés.

Esta nova súmase á polémica da semana pasada sobre a chegada dun barco de grande tamaño, o Alvor,  ao porto de Tragove e aos enfrontamentos das redeiras co armador do mesmo.

Visto en Diario de Arousa e tamén en La Voz de Arousa

Imaxe extraída dun album en Picasa de Unha Grande Chea.