Archive for

O BNG de Cambados, preocupado pola situación no Centro de Saúde

Víctor Caamaño, portavoz dos nacionalistas en Cambados, denunciaba días atrás a precariedade laboral na que se atopan os profesionais do Centro de Saúde do noso Concello. Falaba da falta de persoal médico que atende da Unidade de Día e á problemática que está a supor a falta de médicos que substitúan as ausencias dos profesionais titulares das prazas.

Pois ben, os deputados Bieito Lobeira e María Luísa Bouza presentaron no Parlamento Galego a moción que podes ler premendo aquí e que vai na mesma liña que o comentado polos representantes do Bloque en Cambados. Os deputados pregúntanlle á Consellaría de Sanidade cales son as previsións arredor do funcionamento do Centro de Saúde e se ten medidas previstas para reducir a ratio de pacientes por médico a 1200.