Archive for

O PSOE propón que a Festa do Albariño sexa declarada de Interese Turístico Internacional

Posted by Óscar ⋅ 09/05/2010

Os socialistas de Cambados, por medio do seu voceiro Domingo Tabuyo, demandaron onte que a corporación inicie os trámites que conclúan na declaración de Interese Turístico Internacional para a Festa do Albariño.

Domingo Tabuyo, que tamén é deputado, afirmou que logo dalgunha consulta realizada, cre que a Festa dos cambadeses ten posibilidades serias de obter o recoñecemento e que de comezar a realizar trámites axiña a nova da internacionalización podería chegar antes da celebración de 2010.

Por iso, o PSdeG presenta unha moción no pleno de Cambados pedindo que se inicie o proceso de cara remitir a TurEspaña (organización encargada de emitir estas distincións) os papeis o antes posíbel. É previsíbel que os demais grupos apoien a inicitiva, verémolo nos vindeiros días.

Caracol presenta o obradoiro Habelas

Posted by Óscar ⋅ 09/05/2010

A compañia de teatro Caracol xunto co I.E.S Francisco Asorey de Cambados organiza un obradoiro de 6 horas os vindeiros 4 e 5 de Xuño que realizará un achegamento no proceso creativo para poder coñecer e experimentar, xerando o mesmo tempo unha enerxía grupal, o coñecemento de como se constitue un espectáculo de danza e maxia, na que os asistentes, a través de pautas de movemento poderán realizar.

A idea do obradoiro é achegar ao público ao proceso creativo do espactáculo HABELAS que lles permitirá profundizar nas vertentes artísticas arriba mencionadas. Inscricións no número de teléfono 620569046. O prezo é de 20 euros.

O curso será impartido pola compañía TRASPEDIANTE, que fará una representación do seu espectáculo ao final do cursiño. Trátase dunha mestura de danza e maxia sobor da historia das meigas. Podes ver unha mostra do espectáculo a seguir: