//
arquivo

Archive for

Recunchos acolledores para a cultura no verán


O pequeno parque que hai detrás do Pazo de Torrado (non confundir co parque infantil ou o destinado ao exercicio dos maiores) revélase como un lugar moi acolledor para a realización de actos que non vaian a atraer a unha gran multitude.

É un recinto pequeniño e certamente agradábel para pequenos concertos, presentacións de libros ou similares. Demostrouse o ano pasado cando a publicación da biografía de Ramón Cabanillas por parte de Luís Rei (nun acto no cal houbo música en directo) e sen ir máis lonxe a semana pasada cun concerto de PLV Havoc e a exhibición de escultura en xeo do cambadés Rubén Arenaz. No verán este lugar debería ser o punto de encontro para moitos actos culturais.

Ademais, para este tipo de eventos o patio do Centro Comarcal está a ser desaproveitado cando en ocasións puntuais se demostrou que con boas condicións climatolóxicas o resultado pode ser moi positivo (véxase o concerto do cantautor galego Tino Baz en abril de 2008 organizado polos libreiros, que se celebrara alí logo de que a concellaría de cultura negara o Auditorio a última hora, xerando unha intensa polémica).

Na foto pódese ver ao artista cambadés Rubén Arenaz esculpindo o escudo de Cambados sobre xeo, tralo remate da música en directo de Havoc. No acto tamén se puido degustar gratuítamente unha copa de Albariño cortesía da adega Rosalía de Castro.

Advertisements

Nas redes sociais

Agosto 2010
L M M X V S D
« Xul   Set »
 1
2345678
9101112131415
16171819202122
23242526272829
3031  

Arquivo

wordpress counter

Escribe o teu enderezo de correo electrónico para seguir este blogue e recibir notificación dos novos artigos.