Archive for

Carta dun lector sobre a biblioteca municipal

Polo seu interese, malia ser anónima, reprodúcese unha carta sobre a biblioteca nova. En Xaneiro publicábase a análise de CTK sobre a mesma, á que tamén podes acceder máis abaixo.

<<A Biblioteca Municipal de Cambados é unha das obras máis publicitadas e das que máis orgullosos se sinten os mandatarios da Corporación Municipal; tanto que o propio Alcalde Luis Aragunde se deixou fotografar antonte para os Medios. Pois ben, coma usuario dese servizo preceptivo ó abeiro da Lei 7/85 de 2 de Abril, de Bases de Réxime Local quero mostrar a miña incredulidade polo que ven sucedendo de xeito repetido nestes días: os operarios ou persoal de mantemento  adicanse a facer ruídos en horas de estudo, pasando a segadora, a mangueira e falando a voces.

Amosando o meu descontento me diríxome á persoa de Recepción e a súa resposta é: “os obreiros só traballan pola mañá”. ¿E non haberá xeitos de solucionalo? A partires das 14:00 horas está pechada ata as 16:00 horas … tamén dicir que na Sala de Estudo o aire frío e a auga  filtranse por baixo das fiestras, o lavabo ten un olor nauseabundo desde a mañá ata a noite, por mor de que a Empresa Construtora deixou, presuntamente, as cousas mal feitas.

Teño a sensación que a clase Política inaugura,  saca as súas fotos e  déixanos “tirados” sen preocuparse en absoluto polo mantemento das instalacións e a súa normal actividade. Que saiban que temos voz (e voto) e non temos porque aturar isto, cando estamos facendo uso / servizo dunha instalación que mantemos cos nosos cartos.>>

Lembra que ti tamén podes poñerte en contacto con CTK a través do correo electrónico, ou dos perfís de Facebook e Twitter.

Relacionado

A nova bilblioteca, o bo e o malo. Análise das instalacións novas. Xaneiro 2011

Aragunde promete unha nova praza de abastos a tres meses das eleccións

O alcalde de Cambados estivo onte na praza de abastos coa Directora Xeral de Comercio e co Delegado Territorial da Xunta en Pontevedra (o ex alcalde Cores Tourís) para prometer a creación dunhas novas instalacións para a venda dos produtos do mar.

Faino xa en precampaña electoral, co que se pode considerar esta unha das primeiras promesas dos populares de cara ás eleccións de Maio nas que se disputará a alcadía. Esta proposta, que é  positiva se é real, leva moitos anos no aire da disputa política, xa que o BNG a levaba no seu programa tanto en 2003 como en 2007.

E ese “se é real”, vén da desconfianza das promesas pasadas que non chegaron a facerse realidade. Neste enlace á hemeroteca da Voz pódese ler como en 2003 o alcalde Tourís dicía que o Concello estaba redactando un plan (xusto como sostén agora Aragunde) de transformar a zona da praza, do Porto de San Tomé e de Peña e convertila “nunha gran área de ocio”.

O traballo das aproximadamente 90 persoas que desenvolven o seu labor na praza merece, por respecto, que se cumpra coa palabra dada. Oxalá desta si sexa así. Porque ademais as actividades derivadas do mar son unha compoñente fundamental na economía de Cambados, e o sector produtivo (mar e agro) están a aguantar mellor a crise que outras actividades, e é intelixente apostar por elas.

Promesas incumpridas > En Cambados(tk) estamos a preparar un artigo especial coas principais grandes obras que o PP levou nos últimos programas electorais e das que nada se volveu saber.

Imaxe extraída do Diario de Arousa