O vindeiro venres 1 de Abril terá lugar no Centro Comarcal do Salnés un acto cultural arredor da figura da artista Maruja Mallo (pseudónimo de Ana María González Mallo, pintora surrealista, 1902-1995).
Comezará ás 20 horas coa proxección dun documental: Maruja Mallo. Metade anxo, metade marisco, dixido por Antón Reixa e con guión de Antón Patiño.
De seguido presentarase o libro Maruja Mallo: de prometedora pioneira a artista universal, gañador do premio de ensaio Ánxel Fole e editado pola Fundación Caixa Galicia. Intervirán Luís Rei, escritor, biógrafo de Cabanillas e técnico cultural; Antón Reixa, director do documental; e Carlos Nuevo Cal e Emilio Xosé Ínsua, co-autores do libro.
Podes ler a biografía de Maruja Mallo en culturagalega.org, de onde se extraeu a imaxe
Cambados(tk) 
Óscar, vou a copiar esta nova tal e como está (menos a imaxe) en CambadosWeb. Un saúdo.
Posted by Isma | 23/03/2011, 10:57 amOk, non fai falla nin que avises, pero gracias. Saúdos!!
Posted by Óscar | 23/03/2011, 2:57 pm