//
estás a ler...
Cambados

Catro inauguracións nos últimos catro días


Comentábase aquí mesmo que a reformada Lei Electoral non permite xa actos de inauguración (ou visita a obras) desde a convocatoria dos comicios (que foi hoxe) até a celebración dos mesmos.

En Cambados , o Partido Popular retrasou os actos até o último momento legal para inundar as páxinas dos xornais comarcais (que seguen aos conservadores de xeito incondicional) con inauguracións que desde xa non poderán realizar legalmente.

Desde o venres até onte luns realizáronse catro actos deste tipo. O primeiro día tivo lugar a xa comentada inauguración do Salón de Peña (aínda que paradoxicamente levaba meses xa en uso), e aínda que o financiamento foi maioritariamente do goberno central o Concello ocupouse de que fora a Xunta a protagonista do acto; e tamén unha conserveira no Polígono da Grenla que recibiu cartos da Consellaría do Mar e da de Industria. Ambos conselleiros estiveron presentes, como tamén o estiveron na de Peña.

O domingo foi o turno da ponte de Barrantes, a un acto onde estiveron a alcaldesa de Ribadumia, o de Cambados e o presidente da Deputación. O luns Aragunde volveu a desprazarse xunto coa conselleira do Mar para inaugurar unha planta de conxelados no Polígono. Tamén participaron Aragunde e Louzán na “supervisión” das obras da Pousada de Ribadumia.

Louzán: vinte inauguracións nunha fin de semana

A incógnita é: serán capaces os alcaldes e o presidente da Deputación de non realizar este tipo de actos até o 23 de Maio? Poderán resistirse? Despois deste repaso, está claro que é a campaña electoral que saben e que queren facer, cos catro actos en catro días de Cambados ou cos vinte que realizou Louzán nunha fin de semana.

Conversa

One thought on “Catro inauguracións nos últimos catro días

  1. Señal dq que se fixeron moitas cousas non?

    Posted by louzan | 29/03/2011, 4:39 pm

Nas redes sociais

Marzo 2011
L M M X V S D
« Feb   Apr »
 123456
78910111213
14151617181920
21222324252627
28293031  

Arquivo

wordpress counter

Escribe o teu enderezo de correo electrónico para seguir este blogue e recibir notificación dos novos artigos.

Segue CTK en Facebook

%d bloggers like this: