//
estás a ler...
Cambados

Presentación de "Rosalía de Castro, estranxeira na súa patria" este martes 12 de Abril


O vindeiro martes 12 de Abril ás 20.30 horas no salón de actos de Exposalnés de Cambados terá lugar a presentación do libro “Rosalía de Castro, Estranxeira na súa patria”, coa presenza do autor, Francisco Rodriguez, que será presentado por Adela Leiro. Colaboran a Asociación Socio Pedagóxica Galega e a Asociación de ensinantes do Salnés.

Trátase dunha obra de Francisco Rodríguez que ofrece unha lectura que parte do contexto da poeta, do coñecemento explicativo e causal da súa obra íntegra, para traela á marcha da historia, coa súa incomparábel e única lucidez e tormento. Tal como se xerou e como combateu, na súa tendencia e intencionalidade. O libro desenvolvido para informar, explicar e valorar, con máis fundamento de causa, deitando máis luz, Rosalía e a súa obra.

Este libro hai que inserilo dentro do esforzo colectivo por nos facer conscientes do noso propio valor, neste caso do valor dunha obra literaria e dunha muller, Rosalía de Castro, que transcenden o campo da literatura por seren sintomáticas da aspiración e do dereito á existencia do pobo galego, e tamén dunha perspectiva da historia e do mundo xenuína e moi esclarecedora. Imprescindíbel.

Nova extraída de Unha Grande Chea.

Advertisements

Conversa

Os comentarios están pechados.

Nas redes sociais

Abril 2011
L M M X V S D
« Mar   Mai »
 123
45678910
11121314151617
18192021222324
252627282930  

Arquivo

wordpress counter

Escribe o teu enderezo de correo electrónico para seguir este blogue e recibir notificación dos novos artigos.

%d bloggers like this: