Archive for

O BNG condensa o seu programa nun vídeo de 4 minutos onde interveñen todos os candidatos

Primeiro día de campaña e o Bloque Nacionalista Galego publica o seu vídeo coa intervención de cada un dos candidatos. O vídeo repártese en bloques temáticos e cada candidato vai lanzando unha das propostas para o vindeiro goberno de Cambados. Víctor Caamaño, candidato a alcalde, asegura que “o BNG é un equipo, en realidade o único equipo” e así queda patente coa participación de todos no vídeo.

Por outra banda lembrar que o BNG manterá un encontro coa xuventude mañá sábado ás 17.00 horas no hotel Os Pazos onde intervirán Manuel Fariña, Almudena Castro e Víctor Caamaño.

Ademais, a partires do vindeiro luns publicarase aquí a entrevista aos candidatos á alcaldía de Cambados que Cambados(tk) lles remitiu nas pasadas semanas.