Mítines centrais dos 3 partidos en Cambados

Despois da suspensión do acto central do BNG de Cambados previsto para onte polas consecuencias do terremoto de Murcia, xa sabemos cal será a nova data do mitin do Bloque e de paso, tamén a dos outros dous partidos:

BNG. O seu acto central terá lugar o martes ás 20.30 horas no Salón Peña. Falarán Montse Prado, secretaria de Organización, Bieito Lobeira, deputado no Parlamento Galego e Víctor Caamaño, candidato á alcaldía de Cambados. Introducirán o acto os candidatos Manuel Fariña, Almudena Castro e Xaquín Charlín (Chon).

PSOE. O mitin central do PSdeG-PSOE será tamén no Salón Peña o mércores ás 21 horas. Descoñecemos aínda quen falará ademais do seu candidato á alcaldía, Domingo Tabuyo.

PP. O Partido Popular volverá o venres, último día de campaña, ao Salón Peña.

Lembra que aínda podes participar na enquisa de campaña de CTK