Este luns día primeiro de Agosto terá lugar a inauguración da esperada exposición “Francisco Asorey”, un dos eventos centrais do Ano adicado ao escultor cambadés.
A inauguración terá lugar no Pazo de Torrado (espazo que acolle a mostra) ás 20.00 e acudirá o Conselleiro de Cultura, Roberto Varela, e o comisario da exposición, Miguel Fernández Cid.
Os que acudan nos días seguintes ao Pazo Torrado terán a oportunidade de ver unha boa cantidade de obras deste artista que tiveron que ser traídas de diferentes partes da xeografía. Segundo o comisario da mesma, as máis difíciles de conseguir foron A Nai de Dor (1931, madeira policromada) e O Tesouro (1924, madeira), que viñeron desde Bilbao e Madrid, respectivamente, e que precisaron incluso de restauración.
Podes ler unha relación completa das obras que haberá na exposición premendo neste enlace.
Cambados(tk) 
Conversa
Aínda non hai comentarios.