Cambados acolle a IV Festa de Artesanía e a Festa Europea do Viño

Este venres comezou en Cambados, recollendo o relevo da Festa do Albariño, a IV Feira de Artesanía e a Festa Europea do Viño.
Os stands, que hai una semana recibían multitude de xente para catar o noso viño, transfórmanse estes días en postos de venta de multitude de obxectos artesáns de distintos puntos de Galiza. O alcalde de Cambados Luís Aragunde valorou para o Diario de Arousa “A artesanía ofrece un complemento perfecto ao bo viño, reunindo máis atractivos para todos os visitantes e os nosos vecinos”.
E para amenizar este fin de semana de festa en Cambados, o concello optou na noite de onte pola actuación de “The Clams”. E ten previsto para a noite de hoxe a actuación, na praza do concello, de “Manso e amigos”, veciños da localidade, ás 22:30 horas.

Feito curioso é que ás 22:00 horas na praza de Fefiñáns, o concello invíta a todos os veciños e visitantes ao “Brinde das Estrelas” onde todos os habitantes de Cambados teñen a posibilidade de brindar cunha boa copa de viño de balde mentres admira a preciosidade dunha chuvia de estrelas. Parece que de cando en vez o concello saca á luz a súa vea poética…