A asociación de ensinantes do Salnés, Candea, organiza como cada ano as súas Xornadas Pedagóxicas. Desta volta, na XV edición, as actividades que organizan englóbanse dentro do “Ano da Química” que a Asemblea Xeral da ONU declarou para este 2011.
A Química, recordan con acerto desde Candea, está presente en todos e cada un dos momentos da nosa vida (como sería un día sen ela?). Química non é simplemente un científico nun laboratorio…o xabrón, a pasta de dentes, os medicamentos, a auga potábel, os combustíbeis que empregamos…todo é posible grazas a ela. Tamén ten efectos negativos, como a choiva ácida, a contaminación, o quecemento global…
En definitiva, Química atópase de xeito cotiá na nosa vida, nas nosas cociñas, no noso corpo, as reaccións químicas están en todas partes. As Xornadas pretenden contribuir a colaborar na educación e formación de cidadáns comprometidos e respectuosos co medio ambiente e a sostibilidade a través dun uso e consumo responsable dos produtos que a química pon ao noso alcance.
As actividades desenvolveranse no Salón de Actos do IES Francisco Asorey os días 12, 13, 14, 15 e 16 de Setembro de 16.30 a 20.30, cun total de 20 horas homolagadas pola Consellaría de Educación. A inscrición pode facerse nos números 986520407 e 986520161 e é de 30 euros ou 20 para socios de Candea e desempregados. Celebraranse conferencias, obradoiros e incluso unha saída. Podes ler por completo o interesante programa das Xornadas premendo aquí.
Cambados(tk) 
Conversa
Aínda non hai comentarios.