//
estás a ler...
., Cambados

A construción do Centro de Día tamén se suspende. Pero Aragunde mantén que teremos praia no Saco de Fefiñáns


A crise está a dar pé á cancelación de proxectos que foron prometidos polo actual equipo de goberno hai tan só catro meses, cando era o momento de pedir o voto. Unha das imaxes que se apresurou a publicar o PP de Cambados foi a do antigo matadoiro -lugar onde se vai levantar o centro de día- co cartel das obras.

A pesar de que a oposición xa acusara daquela ao goberno local de electoralista e de advertir de que esa obra non se levaría aínda a cabo porque non estaba contemplada nos Orzamentos da Xunta de Galicia para este ano, o Partido Popular negou tales acusacións e insistiu unha e outra vez que o proxecto estaba realmente en marcha. Hoxe, nunha exhaustiva análise que realiza La Voz de Arousa sobre o estado do Concello, o alcalde e grupo de goberno admiten que o Centro de Día non poderá iniciarse aínda.  O mesmo pasou coa piscina, cuxa cuberta haberá de agardar tempos mellores para ser cambiada. Iso si, aproveitando unha visita do presidente de Portos, o alcalde reafirmouse no proxecto das comportas do Saco de Fefiñáns. (máis info. no interior)

O MANTEMENTO DO ALUMEADO, A MANS PRIVADAS

Na súa particular análise, Luis Aragunde reafírmase en que a situación económica do Concello non é mala (tampouco boa, engade). Segundo La Voz a débeda do municipio é de catro millóns de euros, mentres que o total destes orzamentos superou os oito millóns. Aragunde di que non será “o alcalde que arriunou o Concello”, e non descarta abrir a porta a pequenas subas de impostos (non se atopa o IBI entre estas posíbeis subas) así como entregar o mantemento do alumeado municipal a unha empresa externa, porque din ter datos de que sairía máis rentable.

A OPOSICIÓN CALIFICA DE NEGATIVA A XESTIÓN

Tanto o voceiro do BNG, Víctor Caamaño, como do PSdeG, Rafael Blanco, valoraron negativamente ao goberno cambadés tralos primeiros cen días de mandato.

Para Caamaño, Aragunde segue a ter vicios dos seus antecesores no cargo, como o xeito de contratar persoal ou a escasa transparencia amosada. Ademais, quéixase de que nos temas que se acordan na Corporación entre partidos non hai avances reais e todo queda en simple boa vontade; e os principais problemas de Cambados, seguen no caixón, precisa Caamaño.

Rafael Blanco pola súa banda puxo o énfase no “despilfarro” de cartos públicos cando a débeda do Concello é a metade do orzamento actual e os gastos correntes rondan, segundo o socialista, os 600.000 euros. Blanco tamén deixa entrever que o Concello podería non estar admitindo toda a débeda que realmente existiría.

AS COMPORTAS E A PRAIA NO SACO

Tamén no día de onte visitou o novo presidente de Portos de Galiza, Juan José Durán, o porto de Tragobe acompañado polo delegado da Xunta Cores Tourís e o alcalde de Cambados. Durán asegurou que nas partidas de 2011 da Xunta hai cartos para as comportas aínda que dixo que estas non se iniciarán até que se complete o saneamento da zona. Aragunde sinalou (outra vez) que estas serán beneficiosas para o marisqueo, para o turismo, e para os cambadeses posto que no Saco se construirá unha praia artificial para recuperar a que alí había con anterioridade.

Información extraída de La Voz de Arousa, imaxe de Faro de Vigo

Advertisements

Conversa

Aínda non hai comentarios.

Deixar unha resposta (o comerntario deberá ser aprobado polo administrador antes de ser visible)

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Nas redes sociais

Outubro 2011
L M M X V S D
« Set   Nov »
 12
3456789
10111213141516
17181920212223
24252627282930
31  

Arquivo

wordpress counter

Escribe o teu enderezo de correo electrónico para seguir este blogue e recibir notificación dos novos artigos.

%d bloggers like this: