O voceiro do Bloque Nacionalista Galego, Víctor Caamaño, referiuse onte ao recurtes contemplados para Cambados pola Xunta. En primeiro lugar fixo mención á suspensión da renovación da cuberta da piscina, aínda que a lamenta por ser unha obra anunciada en moitas ocasións considera esta suspensión “razoable” polo momento de crise económica, aínda que non “os recortes que o PP está a facer no ensino, na sanidade ou nos servizos sociais”. En concreto referiuse ao Centro de Día, que se paraliza, mentres o Concello e a Xunta siguen adiante coas comportas do Saco e a praia artificial. “Esperpéntico”, sinala o nacionalista. (máis info. no interior)
O gran problema que ve Caamaño na non renovación da cuberta da piscina radica no gasto corrente que ocasiona ao Concello de Cambados, uns 118.000 euros anuais (segundo a prensa) en enerxía para poder pagar as perdas de calor se ocasionan. O BNG sinala que esta formación no seu momento se opuxo a este tipo de cuberta, que desaconsellaban os técnicos, mentres o PP se empeñou no modelo actual, resultando “desastroso” para a economía local.
O voceiro do BNG ve claro que cando por fin se leve adiante a reparación da piscina os cargos do PP tentarán salientar a súa “boa xestión”, mais para Caamaño “fixeron unha boa xestión para eles, pero unha pésima xestión para os petos dos veciños e veciñas”. O voceiro frontista atrévese a ver máis alá :”no futuro o PP seguirá falando da necesaria austeridade na xestión dos cartos de todos”.
Cambados(tk) 
Senor Caamano, na mina opinion non serve vostede para politico. Posiblemente sexa vostede moi honrado, e temen moi educado. Pero as persoas educadas tamen dan os bos dias e as boas tardes. E vostede nin o un nin o outro.Hai que ser mais aberto.
Posted by laurita | 15/10/2011, 12:54 am