Un millón de euros. Esa é a cifra que desembolsará a Deputación (ou sexa, todos os contribuintes) para sufragar a reforma da sede dunha asociación cultural. Sede, por certo, privada (é da asociación), e que logo da polémica que levantara a esaxerada inversión de cartos públicos terá que ser posta, teoricamente, a disposición do Concello a partir de agora.
A obra, que xa fora polémica polo custo, presupostárase en 700.000 euros (máis de 100 millóns das antigas pesetas). Ante estas cifras estratosféricas, cómpre sinalar a modo de referencia que o orzamento do noso Concello para este ano supera escasamente os oito millóns de euros. Isto é, o desembolso da Deputación será de arredor do 12% do presuposto anual de Cambados. Por certo, unha das obras que foron suspendidas por mor da crise, o cambio da cuberta da piscina, custaría 400.000 euros, é dicir, menos da metade que a da Cultural. Imaxe e información tiradas do Diario de Arousa.
Cambados(tk) 
Conversa
Aínda non hai comentarios.