La Voz de Arousa repasa hoxe amplamente o capítulo de inversións que recibirá, teoricamente, o noso Concello en virtude dos orzamentos da Xunta de Galicia. Resulta especialmente curioso ler como se volven a anunciar inversións en obras que se suspenderon moi recentemente. É o caso do Centro de Día (350.000 euros), que quedara en suspenso hai tan só dúas semanas e media. Ou da cuberta da piscina (381.000 euros) que hai pouco máis de un mes a Xunta decidía suspender por mor da “política de axustes” logo de varios retrasos desde 2008.
Ademais destes anuncios, o PP di que destinará máis de un millón de euros para infraestruturas relacionadas co mar, que irían a parar ao porto de Tragobe e ás comportas do Saco de Fefiñáns. Tamén está prevista segundo eles a chegada de cartos para a depuradora. O anuncio de inversións, como adoita acontecer, ten lugar en precampaña electoral. Se se compara a inversión que a Deputación realizou na entidade privada Socidade Cultural, esta ascendería case á metade do que todos os departamentos da Xunta investirán en Cambados.
Cambados(tk) 
Conversa
Aínda non hai comentarios.