O profesorado do Asorey rexeitou os recortes no ensino no referendo celebrado hoxe

Celebrouse hoxe por toda Galiza un referendo nos centros de ensino organizado por CIG e UXT nos que se lle preguntaba ao profesorado polo recortes que leva a cabo a Xunta de Galicia. No instituto Francisco Asorey a participación no referendo ascendeu ao 80% (52 sobre 65).

Sobre os recortes da Xunta no ensino, 51 profesores manifestaron non estaren dacordo. O mesmo resultado obtivo o aumento de horario lectivo. Sobre as novas funcións de custodia do alumnado, coma no transporte, foron 52 os profesores que rexeitan a medida. O mesmo número (o 100% dos participantes) manifestaron co voto que as medidas da Xunta empeoran a calidade do ensino público. (a imaxe corresponde a outro centro galego)