No pleno da Corporación que se celebrará este xoves, é moi previsíbel que os edís do PP apoien a subida dos impostos municipais que plantexa o goberno local. Segundo eles trátase de “achegarse ao custo real” dos servizos. A auga é, segundo o Diario de Arousa, a que máis se incrementará, arredor do 13%, dez puntos por riba do IPC. A recollida de sólidos urbanos (recollida de lixo) sobe un 5% ademais do 3% do IPC para as casa do centro urbano e un 10% ademais do IPC para as casa do rural. A “Axuda no Fogar” pasa de 9,70 a 12 euros a hora. A taxa de sumidoiros sobe en total un 10%, 7 puntos por riba do estipulado polo IPC.
O resto de taxas, se non hai modificacións antes do pleno, terán unha suba correspondente ao IPC. Englóbanse neste grupos impostos como ocupación de terreos por mercadorías, permisos urbanísticos, licenzas de taxi, instalación de quioscos, vehículos de tracción mecánica, escaparates...Imaxe e información extraídos de Diario de Arousa
Cambados(tk) 
Conversa
Aínda non hai comentarios.