Fefiñáns non terá cables

Unha nova moi esperada e tamén moi repetida sen até o de agora resultados, é a de soterrar o cableado eléctrico da Praza de Fefiñáns e arredores. Parece que chegou o momento, no cal o Concello cunha subvención europea vai acometer unha inversión que ademais de mellorar o entorno fará o propio respecto a calidade da rede eléctrica.

Tamén se soterrará o transformador que hai na Rúa Rosalía de Castro, co cal se completa a mellora do eixo Torre da Homeaxe-Praza de Fefiñáns. A este medio gustaríalle poder informar tamén moi pronto do peche da Praza ao tráfico rodado, unha acción que depende do goberno local e que sen dúbida potenciaría ese entorno como lugar turístico e melloraría a calidade de vida dos cambadeses. Información do Faro de Vigo.