A USC xoga coa investigación: 17 persoas en risco de perder o seu traballo

A Universidade de Santiago de Compostela é líder no noso país e unha parte importante desta institución radica na investigación. A través do Programa Isidro Parga Pondal, a USC captou persoal investigador en forma de bolsas-contrato que tras un período de tempo deberían rematar en contratos estábeis se superan  a correspondente avaliación.

Hai 17 persoas que levan cinco anos baixo ese estatus e agora vén perigar o seu futuro dado que o equipo de goberno da USC non ten intención de cumprir ese acordo de contratar aos que teñan superado a finais do mes de Nadal a avaliación pactada. Os datos son claros, esas 17 persoas publicaron 331 artigos en revistas científicas, rexistraron 9 patentes, dirixiron 13 teses doctorais e coordinan 16 proxectos que captaron un financiamento que ascende ao millón de euros, do cal o 15-20% vai parar as arcas da USC directamente. Por todo isto hai unha campaña activa na rede para pedirlle á Reitoría da USC que recapacite e asuma eses contratos, que por outra banda contan co apoio económico da Xunta. Podes apoiar esta iniciativa asinando online.