O PSOE de Cambados homenaxea a Domingo Tabuyo

Os integrantes da Agrupación Socialista de Cambados e das XXSS agradeceron a Domingo Tabuyo o seu labor á fronte do PSOE Cambadés como Secretario Xeral (aínda ostenta o cargo aínda que non o de voceiro do grupo municipal, que agora é Rafael Blanco) e tamén como concelleiro e deputado no Congreso.

Esta pequena homenaxe ocorreu no trancurso da cea de Nadal que celebraron os socialistas durante esta pasada fin de semana. Domingo Tabuyo xa se incorporou de volta ao seu traballo como profesor do IES Francisco Asorey, que deixara temporalmente en 2004 para centrarse nas tarefas de deputado nas Cortes españolas.