Logo de que se re-inaugurara a sede da Asociación Cultural de Cambados este fin de semana, o tema da obra volve á actualidade política da vila. No último pleno do ano de mañá xoves o líder da oposición, Víctor Caamaño, referirase a esta cuestión. Primeiro, para emitir a súa queixa porque non se convidara ao acto de apertura aos representantes dos demais partidos políticos. Engade Víctor que desde o BNG non entenden máis unha vez esta actuación sectaria, por moito que o Bloque criticara a desproporcionada inversión nunha asociación privada cando as Administracións Galegas descuidan en Cambados temas prioritarios como os servizos sociais.
Ademais, Caamaño pregúntalle ao Concello polo suposto convenio que o Concello e a Cultural asinaron para permitir que os cidadáns teñamos acceso ás novas instalacións da asociación sen necesidade de seren membros dela. Lembremos que a existencia deste convenio foi a xustificación de Luís Aragunde para o alto volume de cartos públicos invertidos na asociación de carácter privado. O BNG quere acceder a ese documento. Noutra orde de cousas, o Bloque tamén pregunta pola creación do Consello Escolar Municipal, que foi aprobado por unanimidade hai un ano e segue a día de hoxe sen constituir.
Cambados(tk) 
Conversa
Aínda non hai comentarios.