A asociación xuvenil Retranca entregou onte día 30 de Nadal os segundos Premios Retranca para recoñecer en certos eidos aos que, segundo esta asociación, destacaron neste 2011. A pesar de que na súa web non aparece ningunha información, si publica a relación de premiados o novo blog cambadés “Dos vueltas de tuerca”.
Segundo este blog, o premio Solidariedade lévao a Protectora de animais de Cambados, quen está realizando estes días unha intensa campaña de recollida de sinaturas para que a nova canceira comarcal lles sexa adxudicada a eles e non a unha empresa privada. Ademais, no apartado de Letras é Valentín Estévez, promotor do blog de poesía “Letras de Contrabando” quen resultou homenaxeado. O premio de Arte é para a Escola de pintura Ramón Costa, o de música para o grupo Hard Bread e o de Deportes para Diego Gómez Baúlo. Un premio adicional sería o de colaboración para a xoiería-reloxería David.
Cambados(tk) 
Conversa
Aínda non hai comentarios.