Os problemas que atravesa a conserveira Alfageme, que dá traballo a unhas 150 persoas no Salnés (unha das comarcas máis castigadas polo desemprego) poderían ver a luz moi pronto. Así o reflectía onte Diario de Arousa, xa que segundo este xornal a Xunta por medio da Consellaría e a empresa El Consorcio estarían en conversas sobre o futuro da conseveira. As condicións das que se falaron sería de que El Consorcio reciba unha liña de financiamento duns oito millóns para asegurar a posta en marcha das operacións, e a condonación dunha posíbel débeda de 30 millóns , a cambio de que se mantivera a produción e os postos de traballo.
ANKARR, O XUÍZ INTERVÉN EN CAMBADOS
Por outra banda, a confitería Ankarr segue a ser noticia. Por desgraza a empresa, que tiña unha sede en Cambados, viviu dous procesos de ERE nos últimos tempos. As empregadas levan meses sen cobrar e segundo La Voz de Arousa o xuíz de Cambados acaba de ditar a orde de desfiuzamento na tenda do noso Concello logo de que o propietario do local estivera sen cobrar o aluguer durante meses. Segundo a Voz as empregadas levarían ademais cinco meses sen recibir o salario e grazas a esta medida xudicial poderían comezar a cobrar o desemprego.
Cambados(tk) 
Conversa
Aínda non hai comentarios.