O ex deputado Francisco Trigo Durán concedeu unha entrevista a La Voz de Arousa que foi publicada no día de onte e na que dá a súa opinión sobre o sucedido no Bloque Nacionalista Galego nas últimas semanas. Trigo xa renunciou oficialmente a militar nesta organización, á que pertencía desde hai décadas, logo de que o Encontro Irmandiño de Xosé Manuel Beiras decidira abandonar o BNG.
Na entrevista pon de maniesto a necesidade de, no posible, articular unha nova organización con capacidade de acudir á vindeira cita electoral e “deter a sangría de votos do nacionalismo”. El cre que a nova organización non debería seguir de novo un modelo frontista, que considera que hoxe en día no Bloque estaba esgotado. A nova plataforma nacionalista debería en opinión de Trigo ter unha “pata institucional” e unha “pata social”, sen que a primeira predomine sobre a segunda. Un novo partido con “vocación transformadora e de gobernar”. Ademais ve “un despropósito” a esixencia da dirección do Bloque de requerirlles aos concelleiros do EI as actas, xa que o Encontro como organzación formaba parte do BNG cando se presentaron ás eleccións.
Lembrar que a vindeira data clave para o nacionalismo é a próxima fin de semana, cando a corrente Máis Galiza decidirá en Asemblea se continúa no Bloque ou se suma á aventura iniciada polos irmandiños. Podes ler a entrevista a Francisco Trigo premendo aquí (a foto foi tirada da mesma Voz).
Cambados(tk) 
Conversa
Aínda non hai comentarios.