O Xuven de Cambados gañadores da Liga EBA

Na tarde de hoxe a marea amarela inundou o pavillón do Pombal para animar e darlle forzas aos xogadores do Xuven de Cambados. Non era para menos, xa que tanto o esforzo da afición do Xuven coma o do propio equipo se veu recompensado, coa máis que merecida vitoria.

Logo dunha intensa e igualada primeira parte, o Xuven foi acumulando puntos arriba até o remate do partido. O resultado final foi de 79-55, dándolle a vitoria aos xogadores do equipo cambadés.

Noraboa a cada un dos membros do equipo, así como da directiva. Moito ánimo e seguir colleitando éxitos.