Durante o xoves 29 de Marzo está convocada unha Folga Xeral para tentar parar a Reforma Laboral que o Goberno Central, en mans do Partido Popular, quere aprobar. Aínda que nun comezo esta xornada de protesta estaba convocada nas nacións do Estado polas centrais nacionalistas (en Galiza foi CIG a impulsora) finalmente a greve vivirase en toda España ao sumarse tamén os sindicatos estatais UXT e CCOO.
O paro no noso país é oficialmente de 274.675 persoas, cunha taxa de incremento interanual do 10,63% (a estatal está no 9,6%). Lembrar que cando Feijóo entrou no Goberno hai tres anos o comportamento do noso país neste tema era mellor que o de España, e que o actual Presidente da Xunta tiña por obxectivo no seu “contrato con Galicia” rematar co paro: chegouse a dicir que en 45 días. Desgrazadamente ademais, calcúlase que a cifra real en Galiza ascende a 291.496 persoas sumadas as persoas inscritas nos servizos de colocación.
N’O Salnés as mobilizacións desdóbranse en dúas, ambas ás 12 do mediodía en Vilagarcía. A dos sindicatos estatais partirá da Praza de Ravella e a da CIG farao desde a Casa do Mar.
Cambados(tk) súmase simbolicamente á protesta coa non actualización da páxina durante toda a xornada.
Cambados(tk) 
Endexamáis unha folga xeral estivo tan xustificada: quere rematar a dereita cos dereitos acadados polos traballadores perante un século, decindo que é a única solución a crise imperante … namentras suscribo estas liñas, na tardiña do xoves 29, a primeira valoración e que foi un éxito en Cambados. Tanto ten que abriran os comercios, non tiñan xente … os propietarios cometeron un erro FORZANDO a unha grande parte dos seus traballadores a cumplir a súa xornada laboral só pena de DESPIDO … co que fixeron de caixa non teñen nen para paga la luz, cousa da que non me congratulo, pero que sí compre decir, para que saiban que a cidadanía está totalmente en contra desta salvaxada que a Patronal quere impoñer, para seguer gañando as fortunas que posúen. Unha reforma laboral que só vai a crear máis despidos, liquidar balances para a continuación crear emprego de miseria, coma os mini-jobs en Alemaña: traballar 25 anos para cobrar de pensión 140 euros ….
Posted by oscarman | 29/03/2012, 8:51 pm