Archive for

Creada a asociación ASOBLOG Salnés

A asociación de blogueiros de Cambados e arredores vén de ser creada na xornada de onte. No transcurso da reunión aprobáronse os estatutos, redactouse a acta fundacional e foron elixidos os membros para a directiva. O presidente será Valentín Estévez, Maribel Iglesias será vicepresidenta e secretaria e Javier Vidal será o tesoureiro. A asociación tamén tratou na asemblea algunha proposta de actividade que será concretada nos vindeiros días. Cambados(tk) apoia a creación deste novo colectivo. Foto: Faro de Vigo

Alberto Serantes é o novo presidente local de Novas Xeracións do PP

A organización da mocidade do PP celebrou onte un congreso local no que se renovou a súa directiva. O novo presidente é Alberto Serantes e conta con Gerardo García como tesoureiro e María Piñeiro como vicepresidenta. Ao acto acudiron o presidente das NNXX de Galiza, a deputada Rosa Oubiña, o ex alcalde Tourís e Luís Aragunde. Seguir lendo →

Os rañeiros non descartan denunciar pola vía penal ao Patrón Maior

O presidente dos rañeiros, Carlos M. Martínez, González, remite unha nota na que se queixa de que o Patrón Maior da Confraría, Benito González, non respostou un escrito da súa agrupación remitido no mes de Xaneiro sobre a suposta actividade irregular dun dos ex-asociados que volvera a fanear a pesar de levar máis de un ano apartado de calquera actividade pesqueira ou marisqueira (nese caso pérdese a condición de membro da Confraría). Seguir lendo →

O PP aproba en solitario os Orzamentos

Os presupostos ascenden este ano a 8.3 millóns de euros e segundo o alcalde as previsións están “axustados á realidade económica”, algo que non é certo para a oposición. Víctor Caamaño, polo BNG, lamentou a falla de previsión, transparencia e austeridade. Caamaño propuxo outro ano máis (outro ano máis sen éxito) que se adique un empregado municipal ás xestións que fai o ORAL, que cobra máis  cada exercicio (265.000 nesta ocasión). Denunciou que baixa o destinado a mantemento de centros escolares (24.000 euros) mentres se comproba cada ano que non é suficiente. Seguir lendo →

Sermos Galiza, novo medio galego

Hai meses anunciábase esta iniciativa, nada tralo peche do semanario A Nosa Terra.Consistía en crear un novo medio escrito en lingua galega, co apoio individual de persoas “do común”, a modo de accións. Durante estes meses a iniciativa xuntou os cartos necesarios (300.000 euros) para arrancar e pronto verá a luz o primeiro número en papel.

Mentres tanto, na rede xa está a operar desde hai dous días a súa edición dixital, á que podes acceder mediante este enlace. Sorte nesta nova andaina.

Xosé Manuel Beiras n’O Salnés

O portavoz do Encontro Irmandiño, Xosé Manuel Beiras, estará este venres 27 no Grove. Participará nunha presentación pública e aberta das propostas para un Novo Proxecto Común, un novo movemento político que recolle ás excisións do Bloque e a novos axentes para desenvolver un proxecto político que defenda a Galiza e á maioría social.

Ademais de Beiras, participarán tamén voceiros do NPC do Grove e ao remate haberá un coloquio no que poderán tomar a palabra aqueles que o desexen. Será na Casa de Cultura Manuel Lueiro ás 20.30 horas. Seguir lendo →

Se vas a Vilagarcía camiña a modo, poden denunciarte por correr

Peculiar cando menos é a nova normativa de seguranza que quere aprobar o goberno da dereita vilagarciá de PP e iVIL. O texto introduce unha serie de prohibicións que non se aplican nos Concellos veciños e que incluso rallan no ridículo. Saltar, correr, ou falar en grupos de dous ou máis obstaculizando o paso pola beirarrúa vaise considerar infracción, infracción que poderá ser denunciada ben sexa pola Policía ou ben por calquera outra persoa. Seguir lendo →

Orzamentos 2012, consúmase a suba de impostos en Cambados

No pleno deste xoves serán tratados unha boa cantidade de puntos da orde do día. O máis relevante sexa, quizais, o debate e aprobación ou non dos Orzamentos para este ano. Orzamentos sobre os que xa se informara en CTK hai meses e que popoñen unha suba xeralizada de impostos, moitas das veces por riba do IPC (o que se considera. a “suba do prezo da vida”). Non hai que viaxar atrás moito no tempo para lembrar como en cuestión de tres meses o alcalde, Luís Aragunde, pasou de amosar a súa oposición á suba do IBI e en xeral das taxas municipais, a anunciar que o seu propio Goberno as incrementaría. Con toda probabilidade, os votos do PP (que xa aprobaran en Outubro a suba das taxas) consolidarán esa suba coa súa inclusión nos presupostos. Seguir lendo →

Charla sobre subestacións eléctricas en Oubiña

O Colectivo Ecoloxista do Salnés e a Federación Ecoloxista Galega convocan a unha charla para o mércores 25 de Abril na parroquia do Oubiña, sobre o polémico tema “Campos electromagnéticos, subestacións eléctricas e saúde”. O encontro terá lugar no Centro Cultural Manuel Mariño da AAVV de Oubiña, entidade colaboradora xunto coa Plataforma en Defensa da Ría. Precisamente será un membro desta plataforma, Xulio Carmona, o poñente nesta sesión informativa. Seguir lendo →

Cambadosweb fecha pero anuncia novo proxecto

A páxina cambadesa (de feito, a terceira máis antiga) Cambadosweb abandona o escenario blogueiro do Concello. Faino tras moitos anos na rede, desde 2007, pero non vai quedar no camiño senón que é parte del, xa que o seu administrador anuncia que a partires da semana que vén abre un novo proxecto. A nova web chámase Vivir en Cambados e poderase a acceder a ela a través de www.cambados.org.es. Como o seu nome indica terá como centro de gravidade o que aconteza no noso Concello. Desde CTK desexamos moitos éxitos á nova iniciativa e parabéns por estes anos de actividade.