Un proxecto de estación eléctrica no lugar de Batuqueiro está a provocar un pequeno levantamento entre a veciñanza, que mesmo artellou xa unha asociación para organizarse fronte a esta proposta de Red Eléctrica. Sobre todo, denuncian falta de información sobre o tema, e aseguran que a estación tería unha potencia de 220.000 voltios e estaría ubicada a 200 metros das vivendas de 15 familias. Ademais, as liñas pasarían por riba das fincas. Eles entenden que unha infraestrutura como esta debería instalarse nun polígono industrial, e nunca no medio das casas.
APOIO DE BNG E PSOE FRONTE A UN ARAGUNDE NEUTRAL
Pola súa banda hai un par de xornadas o Partido Socialista facía público en Facebook o seu apoio aos veciños. O BNG fixo o propio hoxe, tras estar presente onte na asemblea que a nova asociación celebrou. O concelleiro nacionalista Xaquín Charlín fixo unha pequena crónica do que se tratou nesa reunión para o seu blog. Salientou que os veciños non se sinten apoiados por Aragunde, chegando incluso a afirmar que están a ser “toreados” polo Alcalde. O voceiro do Bloque, Víctor Caamaño, presentou hoxe no Concello unha moción sobre o tema.
Cambados(tk) 
Conversa
Aínda non hai comentarios.