Solicitan ao Concello un mellor acceso ás instalacións de fútbol sala

Un veciño do barrio de Fefiñáns, Jordi Martínez, presentou esta mañá por rexistro do Concello de Cambados un escrito dirixido ao alcalde, Luís Aragunde, no que se pon de manifesto que a pesar de contar a nosa vila con instalacións deportivas varias non existe dipoñibilidade algunha para os afeccionados ao fútubol sala.

O promotor da iniciativa trala entrega do escrito no Concello

Jordi, no escrito que asinan 83 veciños da vila máis, pon de relevo que hai moitos afeccionados ao fútbol sala que non están federados  e non contan cun servizo de aluger de instalacións para un uso exclusivamente lúdico. Por iso, e consciente da importancia do deporte no benestar e saúde das persoas, demanda á Alcaldía de Cambados que “teña a ben facilitar algunha instalación deportiva, en horario laboral (por exemplo a partir das 21 horas) para que calquera cidadán poida practicar o citado deporte”, ou incluso outro que precise de instalacións semellantes, no seu tempo de lecer.

Jordi recurriu a esta entrega de sinaturas despois de preguntar en diversas ocasións no Concello por este tema, sen reposta aclaratoria.