Rafael Blanco, novo Secretario Xeral dunha Executiva do PSOE de Cambados moi renovada

O xa portavoz dos socialistas no Pleno, Rafael Blanco, ocupará tamén a Secretaría Xeral en Cambados despois de que tralas eleccións de 2011 o líder do PSOE na vila, Domingo Tabuyo, comezara a ceder os seus postos gradualmente. Fíxoo primeiro coa súa acta de concelleiro e agora a nivel interno.

A nova comisión executiva dos socialistas de Cambados non só está moi renovada, senón que ademais baixa máis que nunca a súa media de idade. Máis da metade dos seus membros son militantes das Xuventudes Socialistas, comezando polo seu Secretario Isma Agra e seguindo pola número 2, Bárbara Abal. Tamén veñen das XXSS Regina Núñez, Carlos Abal e Miguel Pérez. Os restantes tres membros da Executiva do PSOE son, ademais de Blanco, os tamén concelleiros Lucas Vieites e Fátima Abal.