Este venres hai boa oferta musical en Cambados. Pola tarde, a partires das 21 horas na Praza das Rodas de Fefiñáns terá lugar o concerto de A DOCE VITA Sons de Cine. Este conxunto interpreta temas tirados do cinema co denominador común do jazz (podes ver no vídeo boa mostra do seu estilo). O grupo está composto por Pablo Vidal Mendoza (contrabaixo) Rafa Otero (guitarra) xunto a cantante letona Vita Ivaskevica. O que buscan, por riba de todo, é que os asistentes pasen uns intres agradábeis. Algo que, de seguro ocorrerá este venres na Praza das Rodas.
MÚSICA POLA NOITE NO CONTINENTAL
E esa mesma noite do venres, a partires da medianoite, darán un concerto os compoñentes do grupo taloCa no Café Continental. Esta banda defíne o seu estilo como “Mistura de soul, jazz, folk,…aderezados con ritmos africanos”. Neste enlace podes escoitar un directo deles. En Cambados presentarán a que é a súa nova formación.
Cambados(tk) 
Conversa
Aínda non hai comentarios.