O denominado Novo Proxecto Común nacerá formalmente este sábado en Compostela. Esta xuntanza parte dunha autoconvocatoria das diferentes asembleas cidadáns que foron xuntándose en moitas comarcas do país (entre elas n’O Salnés) para converxer nun movemento galego único. O sábado, asembleariamente, todos os participantes terán voz e voto para definir os principios organizativos e políticos da nova forza, así como o nome definitivo da mesma e as persoas que o representen.
Un bo número de xente acudirá desde a nosa comarca, incluído un grupo de Cambados. A nivel galego un dos referentes do novo movemento é o líder nacionalista Xosé Manuel Beiras Torrado, e a forza xa ten decidido que concorrerá ás vindeiras eleccións autonómicas para facerlle fronte á ofensiva do Partido Popular desde unha óptica de defensa da maioría social e de Galiza. Todos aqueles interesados en participar poden inscribirse nesta ligazón até a medianoite de hoxe mércores 11. O Sábado ás 9 da mañá no Palacio de Congresos comezan as acreditacións para os participantes e prevese que a clausura sexa no serán.
Cambados(tk) 
Conversa
Aínda non hai comentarios.