A asociación ClickCambados organiza para o vindeiro sábado 21 de Xullo unha interesante actividade que combina fotografía, arte e historia e, por suposto, lecer. A xornada comezará ás 11 da mañá cun café de benvida n’A Leria (praza de Alfredo Brañas).
As ruinas de Santa Mariña | CKC
Alí, ademais dun primeiro contacto entre asistentes e promotores, presentaranse unhas nocións básicas sobre fotografía que logo se poñerán en práctica. A continuación o grupo camiñará até as ruinas de Santa Mariña e a historiadora Maribel Iglesias dará unha explicación sobre o templo e algunhas persoas ilustres que descansan neste cemiterio. Sobre as 14 horas rematará a actividade. A inscrición é voluntaria e tan só custa 3 euros (e inclúe o pequeno almorzo). Pregan enviar un correo indicando a participación a info@clickcambados.com
Cambados(tk) 
Conversa
Aínda non hai comentarios.