O cambadés Eulogio Romero proclamouse “bigotudo do ano” no certame que o Rif-Rock e Cambados(tk) veñen organizando desde hai catro anos na noite do Domingo do Albariño. Os foguetes que marcan o remate das Festas grandes de Cambados son tamén o punto de partida para esta particular homanaxe ao mostacho, unha festa que xa vai pola súa cuarta edición en continuo aumento de afluencia.
Gañador absoluta da 4ªFesta do Bigote
O bigote de Eulogio foi calificado por moitos dos presentes como “cristazo” pola súa complexidade, o cal o levou a facerse co premio na categoría de pelo natural. María Daporta foi a elixida polo xurado para gañar a categoría do bigote postizo, nun ano no que a calidade deste tipo de mostachos foi aprezada como “excelente” polo xurado. Dada a especial afluencia de persoas disfrazadas (como complemento ao bigote) o xurado decidiu conceder un premio especial ao Atrezzo que recaeu en Anaí López. O pequeno Otto Balboa levou o recoñecemento de “Gran Premio de Honra 2012”, sendo así a primeira persoa en obter tal designación.
O ano que vén a Festa chega á súa quinta edición, será o 4 de Agosto de 2013. Ide preparando eses mostachos, naturais ou falsos. Podes ler unha completa reportaxe sobre isto no blog do Rif.
Cambados(tk) 
Conversa
Aínda non hai comentarios.