“Plataforma contra a masacre de cans en Pontevedra”. Con este contundente nome a maioría de asociacións protectoras de animais se unen para tentar botar abaixo os plans da Deputación de Pontevedra en relación ao centro provincial de recollida de cans. Esta loita comezou precisamente en Cambados, da man da responsable do Refuxio Olga Costa, que leva meses protestando contra o que considera ilegal e inmoral. O vindeiro 21 de Setembro ás 21 horas a Plataforma convoca aos cidadáns interesados a manifestarse fronte a Deputación (Montero Ríos s/n).
Cartel da mobilización do 21 de Setembro
Os principais motivos que aducen é que a Deputación plantexa unha “recollida masiva” de animais das rúas dos municipios da provincia sen garantir as condicións dos animais, nun centro inicialmente previsto para 500 cans e onde van custodiarse 2.000 agora. Lamentan que a Deputación só contemple a posibilidade de que a concesión das novas instalacións da Armenteira se lle dea a unha “empresa” e non ás protectoras, algo que segundo eles incumpre leis autonómicas, estatais e europeas.
De momento, a Plataforma recibiu o decidido respaldo do BNG, que nunha reunión con Víctor Caamaño lles transmitiu a vontade deste grupo de levar o tema ao parlamento galego e europeo. O PSOE tamén apoia as súas reclamacións.
Relacionado
Entrevista a Olga Costa en Cambados(tk) – Febreiro 2012
Cambados(tk) 
Conversa
Aínda non hai comentarios.