Déixanos o Faro de Vigo de hoxe unha moi boa nova; a profesora Maribel Iglesias e o pintor Manolo Busto comezaron no verán a traballar nun libro para renderlle homenaxe a Luís Fernández Silvoso. Silvoso, quen finou hai un ano, xogou un papel importantísimo no mundo da arte da zona, logo de abrir a finais dos anos noventa a galería Borrón 4.
Luis Silvoso | JL Oubiña (Faro)
O traballo de Maribel e de Manolo é o de recopilar nun pequeno libro a interesante vida de Luís (podedes ler un pequeno adianto no resumo que fai o Faro) acompañada dun bo número de imaxes. Pero os autores non só lembran a importancia de Silvoso en relación ca arte, senón tamén a súa dimensión persoal que reflicten á perfección ao final do artigo do Faro: “Era unha boa persoa”. O libro podería ver a luz xa a finais deste ano.
Cambados(tk) 
Conversa
Aínda non hai comentarios.