//
arquivo

Archive for

A Fiscalía de Santiago presenta unha denuncia contra Benito González por presunta malversación de caudais públicos


O blog dos rañeiros de Cambados vén de publicar esta nova sobre o Patrón Maior de Cambados e presidente da Federación Galega de Confrarías. Dita información asegura que Benito González sería obxecto dunha querela interposta pola Fiscalía de Santiago no Xulgado de instrución nº1 da capital por presunta malversación de caudais públicos, ao ter percibido presuntamente retribucións económicas (non permitidas pola lei) no desempeño do seu cargo na Federación. Seguir lendo

O PSOE leva ao Pleno de Nadal mocións sobre os desafiuzamentos e contra as taxas xudiciais


Fátima Abal, voceira do PSdeG-PSOE

Os socialistas do PSdeG-PSOE de Cambados van levar dous temas de actualidade política ao vindeiro pleno da Corporación, previsto para finais do mes de Nadal. Unha das mocións está relacionada coa Lei de Taxas Xudicias que en teoría entrou en vigor esta semana, aínda que o Goberno xa recoñeceu que se adiantou demasiado na tramitación e hai problemas técnicos para aplicala aínda durante unhas semanas. O PSOE de Cambados asegura que a lei de taxas do ministro Gallardón vulnera o dereito de igualdade dos cidadáns e o dereito fundamental da tutela xudicial efectiva. Moitas persoas que tiñan dereito á xustiza gratuita perderán este dereito e outras verán incrementados os prezos das taxas. Na vía dos recursos sinalan que un traballador que teña que recurrir un despido que vulnere os seus dereitos deberá aboar cincocentos euros por adiantado. Por isto queren que a Coporación amose o seu rexeitamento a esta medida do goberno central.

Por outra banda o grupo municipal do PSdeG-PSOE pide noutra moción que o Concello de Cambados retire as contas dos bancos que executen desafiuzamentos no noso termo municipal. Tamén recollen no texto a petición de que o goberno central acorde medidas lexislativas para evitar este problema social que afecta a moitas familias. Trátase de exercer presión nas institucións financeiras para replantexar que tomen medidas tan drásticas como desafiuzar a xente que vive xa situacións dramáticas.

Garzón en Cambados por medio da súa filla María


Onte tivo lugar a presentación do libro “Suprema Injusticia” de María Garzón, no que recolle desde un punto de vista persoal a inhabilitación do xuíz Garzón. O acto no auditorio tivo moi boa acollida e prolongouse durante máis de dúas horas (recorte do Faro e recorte da Voz). Proxectouse un pequeno vídeo que reflicte a conexión entre Baltasar Garzón e a nosa terra, que podes ver xa nesta mesma entrada. O libro pode ser adquirido nas librarías Cabanillas e Contos, organizadoras da presentación de onte.

Nas redes sociais

Novembro 2012
L M M X V S D
 1234
567891011
12131415161718
19202122232425
2627282930  

Arquivo

RSS Praza Pública – Novas

  • An error has occurred; the feed is probably down. Try again later.
wordpress counter

Escribe o teu enderezo de correo electrónico para seguir este blogue e recibir notificación dos novos artigos.