O mes de Novembro é coñecido xa no mundo como “Movember” pola iniciativa solidaria de deixarse medrar un mostacho co obxecto de que algunhas enfermidades que afectan aos homes, como o cancro de próstata, sexa visibilizadas. Os participantes máis puristas desta iniciativa comezan o mes totalmente afeitados e van perfilando o seu bigote até o último día.
En Cambados, o pub Rif-Rock adheriuse ao proxecto e este venres 30 celebra unha reunión de bigotudos. Para este local este tipo de festas non son novas, xa que desde hai catro anos convoca unha Festa do Bigote no verán, que fai coincidir co remate das Festas do Albariño, cun concurso de mellores bigotes “naturais” e postizos incluído.
Cambados(tk) 
Conversa
Aínda non hai comentarios.