//
arquivo

Ano Asorey

This tag is associated with 20 posts

“O Paseo das esculturas”, unha análise moi interesante no blog sobre Asorey


Publica hoxe o blog sobre Asorey (pacoasorey.blogspot.com) que dirixe a profesora Maribel Iglesias, unha completa análise sobre unha proposta de Paseo das esculturas. Faise en base ás declaracións do alcalde de crear unha ruta escultórica para darlle entidade a todas as obras das que podemos disfrutar na vila de Cambados. Unha idea que é positiva pero que Maribel quixo pormenorizar para non deixar ningunha das importantes polo camiño. Proponse tamén de cara a este proxecto que se sinalicen correctamente as esculturas e mesmo se edite un folleto informativo. Seguir lendo

Advertisements

Actos da Academia Galega de Belas Artes en Cambados para homenaxear a Asorey


Desde o blog Paco Asorey chega a nova de que este sábado 28 de Xaneiro terán lugar en Cambados dúas reunións da Academia Galega de Belas Artes. A primeira é unha sesión ordinaria da mesma, que terá lugar ás 11. A segunda, á unha no Auditorio, é unha conferencia pública a cargo do académico Fernández-Cid que ten por título “Homenaxe a Asorey”. Logo da charla, actuará a soprano Daniela Stagnnito con Lorena Varela ao piano. Estes actos plantéxanse oficialmente como o peche do Ano Asorey.

É posible un Museo Asorey?


Facíase esta pregunta o noso compañeiro blogueiro de Cambados Web. Eu penso que si.

Os tempos que vivimos son moi difíciles, non será posible este proxecto no prazo que manexan a miúdo os políticos que non soen ver máis alá de 4 anos, é dicir as seguintes eleccións. Pero como as cousas que se fan ben fanse despacio, creo que si se van dando pasos, nun futuro non moi lonxano, ao mellor non en 4 pero si en 8 anos, é posible velo.

Como?
Precisamos un continente, é dicir un edificio. A casa natal da praza Asorey non será posible, nela vive unha familia dende fai máis de cen anos, é dicir, bastante máis tempo do que viviu nela a familia Asorey e coa que ten lazos afectivos moi intensos polo que non estarían dispostos a vendela. Pero en Cambados hai outras casas en zonas céntricas e con posibilidades de albergar un Museo Asorey e os tempos son bos para mercar propiedades, os prezos baixaron. O Concello non ten diñeiro (alomenos para certas cousas, porque o proxecto do Saco de Fefiñáns parece que sí vai adiante), ao mellor poderíase recurrir ao patrocinio privado, tanto de empresas, grandes e pequenas como dos propios veciños e veciñas. Seguindo o modelo anglosaxón, case todos os museos importantes do mundo teñen patrocinio privado a través de fundacións ou da figura de “amigos do Museo”. Este debería ser un proxecto de todo o pobo de Cambados e non só “popular”. Anque recoñezo que estamos pouco acostumados a traballar en común, preferimos que nos dirixan. Ao mellor a crise que vivimos fainos cambiar.
Ocórreseme tamén outra posibilidade. O meu amigo Eduardo Baamonde díxome que os centros comarcais van desaparecer (outro proxecto fallido dos nosos políticos e outro tiracartos públicos). A súa titularidade vai pasar da Xunta de Galicia aos concellos. Así que Expo-salnés senón é xa do Concello de Cambados o será no futuro. Pois non é un mal lugar para instalar un “Museo Asorey”.

Precisamos un contido, é dicir obra que expoñer. Eu son da idea de que o que busca, atopa, non dun día para outro pero sí de vagar. Por exemplo temos a obra que custodia a familia Asorey, as condicións nas que está, nunha casa antiga de Compostela non son as mellores para a súa conservación. A disposición deles en todos os actos que se celebraron este ano foi plena, son dito dun xeito claro, moi boa xente. Creo posible que puideran ceder en depósito a obra se se asegura a conservación desta. E con esa base pódese ir avanzando. Hai algunha familia en Cambados e en Pontevedra que custodia obras de Asorey, coa fórmula do depósito e en algúns casos se se puidese, a compra, creo que se poderían ir reunindo pezas, e ter un museo con contido e non como lle acontece aos demais museos de Cambados (coa honrosa excepción do Muiño da Seca), como afirman con acerto en Cambados web.
Sería rendible un Museo Asorey?, preguntábanse tamén en Cambados web. Depende do que entendamos por rendible. Se ao mellor só temos en conta o que se ingresase por entradas ou catálogos, non. Pero si se convirte nunha peza que contribúe a promocionar a figura deste magnífico escultor e do pobo no que naceu e a difundir a cultura entre nós e a xente que nos visite; si conseguise ese obxectivo, si que podemos consideralo rendible.

Remato dicindo que todo é cuestión de vontade, si queremos, podemos.

Maribel Iglesias. Le todos os seus artigos premendo aquí.
Tamén podes seguila nun blog sobre Asorey ou no blog de xeografía crítica O Umia.

O Taller Lumière gaña co documental de Asorey o primeiro premio do Liceo Casino


O Taller Lumière do instituto cambadés Asorey gañou o primeiro premio do Certame Audiovisual do Liceo Casino de Vilagarcía na modalidade de documental polo seu traballo titulado Asorey. Este vídeo, do que xa falaramos hai unhas semanas en Cambados(tk), proxectouse nas exposicións homenaxe ao escultor de Cambados tanto no Pazo Torrado como en Compostela. Seguir lendo

Documental sobre Francisco Asorey


A Secretaría Xeral de Política Lingüística da Xunta subiu este mes á súa canle de Youtube un vídeo documental feito polo “Taller Lumiere” no IES Asorey sobre o escultor cambadés do mesmo nome. O vídeo repasa a vida e a obra do artista e no seu último tramo (a partires do minuto 19.30) varias testemuñas falan sobre Asorey, entre as que se atopa Manolo Paz, Maribel Iglesias, un grupo de alumnos do instituto ou o intelectual Díaz Pardo. Preme en seguir lendo para ver o vídeo. Seguir lendo

Ano Asorey


Dixo o noso alcalde na longa entrevista da Voz de Galicia que xa Óscar debullou nesta páxina, que a programación do ano Asorey fora boa. O meu balance non é tan positivo. Puidose facer máis se se houbera feito mellor.

O ano parecía que empezaba ben, reuniuse unha comisión para organizar os actos que contaba con xente “ideolóxicamente variada” e que podía aportar opinións diversas. Reuniuse o doble de veces que a Comisión do ano Cabanillas, ou sexa dúas. Todos e todas aportamos ideas pero acabouse facendo o que eles xa tiñan planificado de antemán e nin eso, porque cousas que alí se dixeron non se levaron a cabo :

– que foi do que se dixo de facer un acto en honra de Asorey cada mes?, de dar a todos os veciños de Cambados un libro sobre a vida e obra de Asorey? de facer un catálogo da súa obra? de levar a exposición á Casa de Galicia de Madrid?

E que fixo finalmente o Concello no ano Asorey?:

– Dedicarlle unha escultura mala
– Organizar un congreso mediocre
– E ceder o espazo de Torrado para a exposición, que non diñeiro, que correu a cargo exclusivamente de Diputación e Consellería de Cultura.

A exposición foi digna, pero manifestamente mellorable se se houbese posto algo más de diñeiro, nin un catálogo decente se pudo facer. Con 12.000 euros  podíase haber traído A Santa de Montevideo, obra emblemática de Asorey que leva máis de 50 anos fóra de Galicia. Pero o Concello prefire gastar os cartos nun xantar, disque iso sirve para promocionar o pobo. É sabido que á xente se chega polo estómago, mágoa que non se intente tamén chegarlle ao corazón.

Maribel Iglesias. Le todos os seus artigos premendo aquí.
Tamén podes seguila nun blog sobre Asorey ou no blog de xeografía crítica O Umia.

O PP e a educación pública


Sae hoxe no xornal da Voz de Galicia que o alcalde de Cambados inaugurou o curso escolar no Colexio dos Salesianos de Castrelo e impartiu unha conferencia sobre o ano Asorey.

Nada que obxectar se non soubese que no pasado curso o instituto no que eu traballo o invitou en dúas ocasións a asistir aos actos de homenaxe en honra de Asorey que fixemos e nin el, nin ningún representante do Concello asistiu.

O cal me fai pensar (e eu son moi mal pensada) que vai máis a gusto a un centro privado que a un público. E esto dáme pé a comentar que me parece que ao PP lle gusta máis o modelo privado de ensino que o público.

O público sae máis caro, os profesores somos seleccionados por procedementos nos que non lle debemos o posto a ninguén , temos unha xornada razonable de traballo e podemos protestar cando non estamos dacordo porque en principio temos “o privilexio” dun posto fixo (é un privilexio ou un dereito?). Os profesores da privada terían moito que dicir (en privado o din) das súas condicións de traballo, pero nos tempos que corren eso podía significar o despido inmediato.

Ao PP gústalle máis un modelo de ensino onde os profesores traballan máis (non sei si mellor),  non protestan e no que se trasmite unha ideoloxía máis afín aos seus intereses. E non dubidedes que cara iso imos se non lle facemos fronte pais, nais e profes. Pensade niso nestes días de mobilización que veñen.

Maribel Iglesias. Le todos os seus artigos premendo aquí.
Tamén podes seguila nun blog sobre Asorey ou no blog de xeografía crítica O Umia.

O Sábado podes realizar unha visita guiada á exposición de Asorey


Xa se falou nesta mesma páxina da importancia da Exposición de escultura de Francisco Asorey que acolle este mes o Pazo de Torrado, e que irá proximamente para Santiago e logo Madrid. Este sábado a asociación de ensinantes do Salnés, Candea, organiza unha visita guiada por Maribel Iglesias á mesma. Seguir lendo

A exposicición “Francisco Asorey” inaugúrase o luns no Pazo Torrado


Este luns día primeiro de Agosto terá lugar a inauguración da esperada exposición “Francisco Asorey”, un dos eventos centrais do Ano adicado ao escultor cambadés.

A inauguración terá lugar no Pazo de Torrado (espazo que acolle a mostra) ás 20.00 e acudirá o Conselleiro de Cultura, Roberto Varela, e o comisario da exposición, Miguel Fernández Cid. Seguir lendo

Mesa redonda sobre Francisco Asorey e a escultura do século XX


Terá lugar o vindeiro xoves 16 ás 18 horas no instituto Francisco Asorey, concretamente no Salón de Actos. Participarán neste encontro Miguel Fernández Cid, o que foi director do Centro Galego de Arte Contemporánea e actual director da Fundación Torrente Ballester; Juan Fernando de Laiglesia, escultor e catedrático de Escultura da Universidade de Vigo; Felipe Criado, pintor, catedrático de Debuxo e ex director da Escola de Artes e Oficios de Santiago e Manolo Paz, o coñecido e recoñecido escultor Cambadés.

Ao remate do acto servirase un viño grazas á colaboración da adega Terra de Asorei.

Lembrar que neste centro pode visitarse a exposición homenaxe a Asorey até o vindeiro martes 21 de Xullo.

Nas redes sociais

Decembro 2018
L M M X V S D
« Dec    
 12
3456789
10111213141516
17181920212223
24252627282930
31  

Arquivo

RSS Praza Pública – Novas

  • An error has occurred; the feed is probably down. Try again later.

RSS Praza Pública – Opinión

  • An error has occurred; the feed is probably down. Try again later.
wordpress counter

Escribe o teu enderezo de correo electrónico para seguir este blogue e recibir notificación dos novos artigos.

Advertisements