deportes

CTKast – Episodio Catro: Cidade Europea do Viño…e isto que é?

Logo do proxecto gañador de Cambados

Episodio Catro: Cidade Europea do Viño…e isto que é? No mes de Novembro Cambados foi elixida pola Rede Europea de Cidades do Viño (Recevin) como Cidade Europea do Viño para 2017. Unha nova que foi acollida con ledicia na nosa vila por xente de todas as cores políticas. Mais, a piques de chegar xa a 2017… que supón este proxecto para Cambados? Neste capítulo de CTKast falamos das incógnitas que xurden trala boa nova da vitoria cambadesa fronte a rivais fortes como Villafranca del Penedés ou Aranda del Duero. Ademais, analizamos criticamente as desavinzas xurdidas no goberno a raíz da convocatoria dunha comisión organizadora das actividades enmarcadas neste proxecto.
Na segunda parte do programa entrevistamos a Bárbara Abal, unhas das impulsoras da iniciativa de interacción xuvenil “Que fago da miña vida?”para falar dese proxecto e das actividades que queren impulsar neste novo ano que está a punto de comezar. Ademais, reunímonos con Dani, Edu e Álex, membros do novo club de fútbol gaélico, para coñecer máis sobre este deporte que bota a andar no noso Concello.
Ademais de Carlos e Óscar, contamos con este capítulo con Eulogio Romero para a tertulia de CTKast. Un pracer telo connosco e agardamos que a experiencia se repita!

Ir a iVOOX para descargar

Podes escoitar este capítulo empregando o reprodutor que aparece enriba, ou tamén podes descargar o audio e escoitalo no dispositivo da túa preferencia cando teñas tempo libre seguindo este enlace. Non dubides en deixar comentarios coas impresións, críticas e ideas…tanto aquí como no Facebook ou Twitter.

Máis información sobre os temas tratados:

–Vídeo de Juan Galiñanes “Cambados, hecho a mano”

–Páxina de Facebook de “Que fago da miña vida?”

–Páxina de Facebook de Fútbol Gaélico de Cambados

Carlos Canay e Diego Cores fanse co V Torneo de Tenis 24 horas

O torneo 24 horas de tenis foi disputado desde a mañá do sábado 6 de Outubro até o día seguinte nas pistas do Pombal. Na súa quinta edición, foi Carlos Canay, de Vilagarcía, quen se proclamou campión da categoría absoluta sendo segundo Javier Oliveira do CT Cambados. Na categoría sub 14 foi Diego Cores o campión e Pablo Reboeiras o subcampión. O V Torneo 24 horas foi organizado polo Club de Tenis de Cambados e contou coa colaboración do Concello.

Ignacio Trigo do Cangas e Diego Cores do Cambados fanse co Torneo do Albariño de Tenis 2012

O Club de Tenis de Cambados vén de rematar o seu Torneo do Albariño con moi boa participación de xogadores de toda Galiza, aos que agradecen a súa asistencia. Na categoría absoluta, Ignacio Trigo do CT Cangas foi o campión, e o cambadés Carlos Prado proclamouse subcampión. En Sub-12 foi Diego Cores (CT Cambados) o vencedor, quedando na segunda posición o seu compañeiro de equipo Pablo Reboeiras. Desde o Club de Tenis de Cambados agradecen ao Concello o seu patrocinio. Lembrar que as categorías sub-16 e +35 anos aínda non foron disputadas. O prazo de inscrición segue aberto e os partidos terán lugar 14 e 15 de Setembro. Seguir lendo →

La Vuelta triunfa en Cambados

A etapa de onte de La Vuelta, con inicio en Cambados, supuxo toda unha celebración nas rúas do noso Concello e arredores. Centos de persoas se reuniron arredor do percorrido, que saía de Fefiñáns, para ver pasar aos ciclistas no seu camiño até Pontevedra. Fóra de Cambados, a Armenteira e o Castrove foron lugares moi empregados polos afeccionados para ver aos corredores.

Destacou o apoio que tivo o ciclista Gustavo César Veloso, o único galego competindo e ademais de Bamio. Este corredor comezou a súa carreira no Club Ciclista de Cambados, que agora ten ao Salnés de clube herdeiro. A familia, os amigos, os compañeiros e os veciños de Veloso fixéronse notar e moito, aínda que o arousán non puido cumprir o seu obxectivo de quedar entre os dez mellores nesta contrarreloxo. Seguir lendo →

Chega “La Vuelta” ao Salnés con promesas de retornar dez euros por cada un investido

Nas últimas semanas a promoción das etapas que pasan pola comarca foi “in crescendo” até o punto de que a Deputación colocou sinais e faixas por todo o percorrido de La Vuelta, deixando claro a cidadáns e visitantes onde deben acudir os días da cita ciclista se queren vela. Un despregue de medios que en Cambados tamén incluirá unha botella de Albariño xigante na Torre de San Sadurniño e unha bicicleta no mar, para aproveitar a emisión televisada da etapa que comeza na Praza de Fefiñáns o mércores. Seguir lendo →

Solicitan ao Concello un mellor acceso ás instalacións de fútbol sala

Un veciño do barrio de Fefiñáns, Jordi Martínez, presentou esta mañá por rexistro do Concello de Cambados un escrito dirixido ao alcalde, Luís Aragunde, no que se pon de manifesto que a pesar de contar a nosa vila con instalacións deportivas varias non existe dipoñibilidade algunha para os afeccionados ao fútubol sala. Seguir lendo →

Tríptico Ruta do Albariño de ciclismo

Durante esta fin de semana, concretamente os días 23 e 24, terá lugar no Salnés a I Ruta do Albariño de Ciclismo, organizada polo Clube Ciclista de Cambados en colaboración coa Federación Galega deste deporte, os Concellos de Cambados e Meaño e o estabel Seguir lendo →

O Xuven de Cambados gañadores da Liga EBA

Na tarde de hoxe a marea amarela inundou o pavillón do Pombal para animar e darlle forzas aos xogadores do Xuven de Cambados. Non era para menos, xa que tanto o esforzo da afición do Xuven coma o do propio equipo se veu recompensado, coa máis que merecida vitoria. Seguir lendo →

Víctor Caamaño califica de “esperpéntico” que o Partido Popular antepoña as comportas e a praia ao Centro de Día

O voceiro do Bloque Nacionalista Galego, Víctor Caamaño, referiuse onte ao recurtes contemplados para Cambados pola Xunta. En primeiro lugar fixo mención á suspensión da renovación da cuberta da piscina, aínda que a lamenta por ser unha obra anunciada en moitas ocasións considera esta suspensión “razoable” polo momento de crise económica, aínda que non “os recortes que o PP está a facer no ensino, na sanidade ou nos servizos sociais”. En concreto referiuse ao Centro de Día, que se paraliza, mentres o Concello e a Xunta siguen adiante coas comportas do Saco e a praia artificial. “Esperpéntico”, sinala o nacionalista. (máis info. no interior) Seguir lendo →

Torneo 24 horas de Tenis

O Clube de Tenis de Cambados organizou para o vindeiro sábado día 8 de Outubro o cuarto Torneo 24 Horas de Tenis.

O límite para inscribirse é o 5 de Outubro, tres días antes da celebración, e pode facerse no teléfono 610 85 01 87 (chamar pola tarde). O Torneo xógase desde as 12.00 do sábado 8 até as 12.00 da seguinte xornada (de aí o nome). Patrocina Concello de Cambados, colaboran La Caixa, Cristalería Cambados, Imagina Regalos e DeportesCarlosMiguel.com