//
arquivo

fútbol

This tag is associated with 17 posts

O II Serán Ramón Cabanillas foi todo un éxito


seranii3

Así o contan os propios organizadores na web de Unha Grande Chea (de onde se tomou esta foto prestada) e na páxina do Club Xuventude Cambados, onde relatan que houbo unha boa afluencia de público e de participación.

No evento propiamente musical participaron uns dez colectivos culturais do Concello e dos arredores, contando coa colaboración do mestre da gaita Xaquín Xesteira. Na web do Club Xuventude pódese consultar a clasificación do torneo de fútbol 3×3 que tamén se encadraba como actividade neste Serán.

Noraboa aos organizadores por un éxito, que calquera que pasara polo Pazo de Torrado o sábado (aínda que fora por uns instantes) puido comprobar en persoa.

Fin de semana honrando a Cabanillas. Serán e Carreira


carreirapopular

Este vindeiro segundo fin de semana de Xuño celébranse na nosa vila dúas actividades relacionadas co Ano Cabanillas. Por un lado o sábado 13 Unha Grande Chea, o Concello de Cambados e o Club Xuventude organizan o II Serán Ramón Cabanillas que comeza pola mañá cun campionato de fútbol indor 3×3, sigue cun xantar popular no Pazo de Torrado e remata cunha tarde-noite de música galega a cargo de múltiples grupos da bisbarra. As ganancias irán destinadas ao Club Xuventude de fútbol.

Xa o domingo terá lugar a I Carreira Popular Ano Cabanillas ás 11:30, cun percorrido con saída e chegada na Praza de Fefiñáns nun total de 3 voltas que suman dez quilómetros. Participarán Pedro Nimo e Chus Valiño, dous deportistas profesionais, e todo aquel que o desexe pode facelo anotándose até hoxe á medianoite no seguinte enlace (www.champiochipnorte.com). Máis información na web de Unha Grande Chea.

O Club Xuventude Cambados mantén o seu equipo e busca amplialo con novas fichaxes


clubjuventudcambados

A columna vertebral da tempada anterior  continuará baixo a disciplina do Club Juventud Cambados  así até o de agora está xa asegurada a continuade dos porteiros Neno Millán e Fernando, dos defensas Edu, Matias, Rober, Dani, Felipe, Koeman e Jacobo; dos medios Cascallar, Toño, Manu, Nino, Alex Cubas e Penjamo;  e dos dianteiros Melo e Eulogio.

Asemade van facer a pretempada co primeiro equipo Fran e Isma que acabaron xa como xuvenís e Noly, ainda en idade xuvenil. Tamén está xa confirmada a continuidade do adestrador Eduardo Carregal e o do seu segundo Ton. A directiva está a traballar na procura de novas fichaxes.

SERÁN RAMÓN CABANILLAS

Do mesmo xeito, a directiva do Club anima a todos os veciños da nosa vila a acudir o vindeiro sábado 13 de Xuño ás actividades programadas dentro do II Serán Ramón Cabanillas, organizado conxuntamente con Unha Grande Chea e o Concello de Cambados.

O II Serán Ramón Cabanillas, posposto até a vindeira semana


seranii

Os organizadores do II Serán Ramón Cabanillas (Club Juventud Cambados, Unha Grande Chea e Concello de Cambados), coincidiron en pospoñer até o vindeiro sábado 13 de Xuño as actividades previstas incialmente para mañá. A decisión tomouse polas malas predicións metereolóxicas que existen para as vindeiras xornadas. Desde a web de Unha Grande Chea infórmase dos cambios.

Catro maneiras de pasar o sábado 16 e unha para a mañá do 17


bngÁs 8 da tarde, o Bloque Nacionalista Galego celebra a súa tradicional ofrenda floral no monumento de Ramón Cabanillas con motivo do día das letras galegas (recordemos, este ano adicado a Ramón Piñeiro).

premioramoncabanillas6

Ás 9 arranca no Auditorio da Xuventude a entrega do VI Premio Ramón Cabanillas, que como xa se explicou desde este espazo recaerá desta volta no filólogo cambadés Francisco Fernández Rei. O acto combinará poesía e música.

E como colofón, pola noite,  mentres os libreiros de Cambados cean co premiado terá lugar outra cea: a do Club Xuventude Cambados, como celebración do seu ascenso a preferente. Será no Salón Forniños ás once da noite e inclúe barra libre por 35 euros.

stonerandsmoker

No Rif-Rock (Infantas 13) haberá sesión de Stoner&Smoker a cargo do Rifrockerz.djset. Pincharán Munstapha, Kurco Soundsystem e Comomepos.

Un bo surtido de actividades para a xornada do 16 de Maio. E todas relacionados ca lingua, a cultura e os deportes.

E xa o día 17, domingo día das Letras Galegas, haberá manifestación nacional en Santiago de Compostela organizada pola Mesa con lema: O galego, a nosa columna vertebral. A lingua que nos une. Sairá ás 12 da alameda.
Máis info. en Unha Grande Chea, no blog do Rif-Rock e na páxina web do Club Xuventude Cambados.

O Club Xuventude Cambados celebrará oficialmente o domingo o seu ascenso


 

VISITA A GUAU, RECEPCIÓN POLO SR ALCALDE E PARTIDO CONTRA O POIO

“O vindeiro domingo imos celebrar o ascenso oficialmente e
institucionalmente, para elo están programados os seguintes actos:

11.00 h.- Visita o patrocinador do Club “Conservas Guau”no Poligono Industrial
de Oubiña.

12.00 h.- Recepción no Concello de Cambados donde nos recibirá
o Alcalde Sr. Touris.

13.15 h.- Pequeno recoñcemento o Bar Laya pola súa
labor interesada a prol do Club.

17.30 h.- Prolegómenos do encontro Cambados- Poio, consistentes en Presentación dos equipos base do club, pasillo dos xogadores da base o primeiro equipo, saida do 1º equipo portando a
bandeira do club, entrega de duas camisetas do ascenso os socios más
xovenes do club e actuación do Grupo da Asociación Cultural “Con de Xido”.

18.00 h.- Encontro Cambados-Poio, o cal están invitados para o palco de
autiridades o Presidente da Deputación, o Alcalde de Cambados, o
Presidente da Federación Galega, o Director Xeral de Conservas Guau, os
Portavoces dos grupos muncipais do P.S.O.E e B.N.G., e os ex-presidentes
do club, así como un representante do Real Club Celta de Vigo. Tamén están
invitados os Directores de Faro de Vigo, Diario de Arousa, Diario de
Pontevedra, e La Voz de Galicia.”

 

CEA BAILE

cambadosceabaile

Por outra banda, o C.X. Cambados organizou para o sábado 16 de Maio unha cea baile con barra libre e dúo musical no Salón Forniños. Pódense retirar as entradas por un prezo de 35 euros no Bar Laya, no Pub A Leria ou no propio bar do clube (no Pombal) até tres días antes do evento. Máis info na web do Clube.

O Cambados ascende a preferente


Os rapaces do Club Xuventude Cambados obtiveron o ascenso a Preferente Autonómica logo de empatar a cero en Marcón.

A falta de catro partidos, o resultado de onte, sumado cos resultados da derrota do Bahía en Caldas e o empate do Atios, fan que o Cambados sexa matematicamente o gañador da liga do grupo IV de Primeira Autonómica.

Os seguidores e os propios xogadores comezaron a festa no campo e seguiron máis tarde na nosa vila. Parabéns para eles e para o C.X. Cambados.

Foto tirada de Diario de Arousa

Nas redes sociais

Maio 2021
L M M X V S D
 12
3456789
10111213141516
17181920212223
24252627282930
31  

Arquivo

RSS Praza Pública – Novas

  • An error has occurred; the feed is probably down. Try again later.
wordpress counter

Escribe o teu enderezo de correo electrónico para seguir este blogue e recibir notificación dos novos artigos.