//
arquivo

patrimonio

This tag is associated with 6 posts

Fefiñáns xa é Ben de Interese Cultural


A Xunta de Galicia publicou no DOG a pasada semana a declaración do Pazo de Fefiñáns e da Igrexa de San Bieito como Ben de Interese Cultural (BIC). Esta declaración, da que xa dispón o casco histórico-artístico desde 2001, suporá un maior grao de protección non só aos dous edificios senón ao entorno, e abre a porta a que os cidadáns poidan visitar o Pazo nun horario que deberá ser agora ditaminado. Unha das melloras que se plantexan nos arredores é a total eliminación de cableado eléctrico e outra que non se menciona estes días nos xornais, pero que é totalmente necesaria, é a peonalización da Praza. Se xa non tiña pés nin cabeza que pasaran os coches pola praza, moito menos sentido ten que pasen entre dous edificios da importancia de Fefiñáns e San Bieito hoxe considerados BIC.

Advertisements

Rehabilitado o cruceiro de San Gregorio (Fefiñáns)


O barrio de Fefiñáns está hoxe de noraboa, xa que se acaba de recuperar o curceiro que fora esnaquizado durante o pasado febreiro por unha elevadora. Seguir lendo

O Concello incumpre a orde de restaurar a telleira


Hai máis de dous anos, o BNG denunciara á Dirección Xeral de Patrimonio (dependente da Xunta de Galicia) que o Concello de Cambados estaba a “rehabilitar” incorrectamente unha telleira situada no Facho, en Castrelo. A Xunta, paralizara as obras e obrigrara ao Concello a devolver a telleira ao seu estado orixinal, xa que as obras desvirtuaran a forma tradicional da construción.

Hai un par de días o Faro de Vigo lembraba nas súas follas que o Concello de Cambados non cumprira coa norma e coa orde da Xunta. E non só iso. A pesar de ter unha Escola Taller en marcha desde Xuño deste ano o Concello non só non empregou este grupo para arranxar a telleira, senón que comezou a “reahabilitación” doutra telleira cercana.

Segundo fontes do Concello, non se pode proceder a cumprir a legalidade porque o goberno non ten permiso dun veciño que ten unha propiedade colindante, a cal sería necesaria para restaurar con rigor o edificio.

Quizais Aragunde e o Concello deberían ter pensado bastante antes nisto antes de ter ordeado levar a cabo un atentado contra o patrimonio de todos e todas.

As fotografías poden servir para ilustrar como era unha telleira tradicional e como se “restaurou” en Cambados.

Cae outro cruceiro, agora con feridos, e Aragunde culpa ao "vandalismo xuvenil"


Despois de que hai tres semanas e media un guindastre tirara o cruceiro de Fefiñáns e quedara esnaquizado, onte caeu un cruceiro no adro da igrexa parroquial a unha hora na que este se atopa cheo con motivo da catequese. Houbo dous feridos, un home que tentou protexer á súa filla e levou un golpe no lombo e unha muller á lle saltou un cacho de pedra logo de que rebotase no chan. Afortunadamente ambos feridos son de carácter leve.

Luis Aragunde realizaba aos medios unhas declaracións nas que, recoñecendo que non ten datos aínda sobre as causas do accidente, acusaba sen probas á mocidade de “sabotaxe” durante as noites de movida na fin de semana. Ao parecer hai dous anos o cruceiro xa caera -daquela ao parecer si que fora por vandalismo- e fora restaurado. Segundo o Concello, teñen intención de reparalo outra vez e por iso transladaron os restos da peza a un almacén municipal (como siga esta racha van ter que dedicalo exclusivamente a gardar cruceiros rotos).

Habería que comprobar se logo da restauración que se lle fixo hai seis anos ao cruceiro da igrexa se fixo algunha inspección ao mesmo durante este tempo para comprobar o seu estado, unha simple operación que podería ter evitado este susto (que foi susto pero podería ter sido un accidente máis grave) nun lugar onde en determinadas horas existe unha grande concentración de persoas. E non acusar a un colectivo sen ningún tipo de proba, iso non é nin responsábel nin serio para un alcalde.

Imaxe extraída do Diario de Arousa

Xa chega aos fogares cambadeses a carta despedida de Cores Tourís


touris4Estes días están chegando ás nosas casas unha carta na cal o ex alcalde e actual Delegado Territorial da Xunta de Galicia en Pontevedra, José Manuel Cores Tourís, amosa os motivos que o levaron a abandoar os seus cargos electos  (alcadía e escano no Senado).

Di Tourís que foi a petición do novo Presidente, Núñez Feijoó, a que o levou a tomar unha decisión que “non foi doada”, xa que era a súa intención “rematar estes catro anos de goberno”.

Di asumir o novo reto con ilusión e que vai traballar “pola prosperidade dos municipios da provincia, e tamén polo desenvolvemento de novos proxectos”, e é aquí onde aproveita para cargar unha vez máis contra o anterior goberno: “e daqueles que quedaron pendentes tralos catro anos de goberno bipartito da Xunta”.

Ademais, presenta ao novo alcalde de Cambados, Luís Aragunde, e repasa o que para el foron os principais logros dos seus gobernos locais: “equiparamos as parroquias co casco urbano cambadés, creamos o polígono industrial, paseos marítimos, o complexo polideportivo de O Pombal, pavillóns deportivos nos colexios”, “vivendas sociais, novos xulgados”, “ampliación do patrimonio cambadés con edificios tan simbólicos como o Pazo de Torrado, a Casa dos Fraga ou a antiga fábrica de Peña”.

Esquécese así tamén de temas como o propio problema de saneamento que prouce uns cheiros que duran xa máis de catro anos, o abandono de certas instalacións deportivas, a venda de patrimonio do Concello, como o campo da Mercede para o negocio inmobiliario,  fala das vivendas sociais cando foi el quen se opuxo a que a antiga Consellaría de Vivenda creara 140 vivendas a prezo tasado na Grenla, ou duns xulgados novos que non dependeron da súa xestión.

A carta chega aos buzóns sen membrete de ningunha administración e o propio folio tampouco amosa ningunha marca institucional, é de supoñer que non está pagada por ningún organismo público. Cores Tourís asina como Delegado Territorial da Xunta de Galicia en Pontevedra, o seu novo cargo.

Imaxe extraída de Vieiros.

O servizo provincial de Patrimonio Cultural da Xunta de Galicia paraliza a obra da telleira


Víctor Caamaño, voceiro do grupo municipal do Bloque Nacionalista Galego, envía a seguinte nota de prensa:

“Ignorancia e incompetencia municipal

O Servizo Provincial de Patrimonio Cultural da Xunta de Galiza deu orde de paralización da Telleira do Facho, en Castrelo, que estaba sendo rehabilitada polo Concello de Cambados. Esta actuación de Patrimonio demostra unha vez máis a incompetencia do goberno do PP na xestión municipal e deixa claro que non solicitou o permiso pertinente para actuar sobre unha edificación protexida pola normativa vixente.

Este tipo de edificación está protexida pola Lei de Patrimonio Cultural de Galiza que é unha normativa de rango superior ás Normas Subsidiarias de Cambados e que, polo tanto, non se pode obviar cando se debe realizar unha actuación como esta. O Goberno Municipal do PP non pode establecer normas para Cambados ao marxe das vixentes para toda Galiza.

Ademais, a Lei de Patrimonio Cultural de Galiza, é posterior ás Normas Subsidiarias de Cambados polo que estas últimas deberían estar actualizadas conforme á lei de rango superior.

Víctor Caamaño, como portavoz municipal do BNG, entende que non houbo intención, desde o goberno municipal do PP, de ocultar o proxecto de rehabilitación da telleira á Dirección Xeral de Patrimonio e que este tipo de actuación é debida á ignorancia a cumprir a normativa que rixe para todos e todas os demais cidadáns, pero que en ningún caso esta ignorancia pode ser perdoable nin está xustificada nun concello onde, ademais, non faltan asesores de todo tipo.”

Nas redes sociais

Decembro 2018
L M M X V S D
« Dec    
 12
3456789
10111213141516
17181920212223
24252627282930
31  

Arquivo

RSS Praza Pública – Novas

  • An error has occurred; the feed is probably down. Try again later.

RSS Praza Pública – Opinión

  • An error has occurred; the feed is probably down. Try again later.
wordpress counter

Escribe o teu enderezo de correo electrónico para seguir este blogue e recibir notificación dos novos artigos.

Advertisements