//
arquivo

Tourís

This tag is associated with 55 posts

“Co PP na Xunta, teremos praia en Cambados” di Aragunde no mitin


Con esta frase, o alcalde de Cambados pediu o apoio para Alberto Núñez Feijoo. Como se a praia fora a auténtica prioridade para o noso Concello (onde aínda que poucas, tamén as temos naturais) nun momento en que se empeoran servizos fundamentais como a sanidade e o ensino pola suposta falta de cartos. Ademais desta proposta de dubidosa necesidade, o PP volveu prometer nunha campaña electoral máis que a nova praza de abastos será levada a cabo. Ao mitin celebrado na Cultural asistiu o nº2 de Feijoo, Alfonso Rueda, e tamén interviron ademais do alcalde, o ex alcalde Cores Tourís, o presidente da Deputación Rafael Louzán e a deputada Rosa Oubiña. O Diario de Arousa non aclara se finalmente o presidente da Xunta estaba no acto ou non. Todos os que falaron tentaron sementar o medo a un suposto tri ou cuatripartito, chegando a escenificar este voto do medo coa frase “Ou o PP ou o caos”. A única presenza non agardada polos populares foi a dos tres afectados polas preferentes que se pasearon polo salón de actos coas súas camisolas reivindicativas. Dous días antes estiveran no acto de Alternativa, no cal se lles deu a palabra para que explicaran a súa posición.

Como che puido pasar a ti, Tourís?


Despertei a semana  pasada coa nova publicada polo xornal  “El País” dunhas  manifestacións  gravadas, e que se atopan en  poder do xulgado de Arzúa, nas que o  ex alcalde de Melide implicaba a Xosé Manuel Cores  Tourís, ex alcalde do meu amado pobo,  nun  asunto de comisións ilegais, e, como a  maioría dos meus veciños, a miña primeira reacción foi de sorpresa.

Porque, quen é Xosé Manuel Cores Tourís? Teñen algunha base estas acusacións? Recordo os inicios de Tourís na política municipal, despois dunha discreta xestión en Horsal, e como xa, dende os inicios, optou (coma o entonces alcalde Santiago Tirado) pola dedicación exclusiva (non hai nada mais atractivo que chupar da teta do estado) a diferenza do  antecesor de ambos, Xosé Antonio Pillado Silvoso, que, por contra, non nos custou un peso aos cambadeses xa que optou por compaxinar a súa labor ó fronte da Casa Consistorial co seu traballo de mestre, sacrificando o seu tempo libre e o da  súa familia, para poder  levar a cabo ambas tarefas.

Recordo que Tourís volveuse o fiel escudeiro de Tirado, e sobre todo recordo, unha época crucial para Tourís, como foi o enfrontamento entre o alcalde Tirado e a funcionaria Botana que desembocou na inhabilitación do primeiro, co que, Tourís, numero dous daquela, tiña vía libre para iniciar a que sería a súa fulgurante carreira política (nunca lle poderás estar mais agradecido a Botana, Xosé Manuel).

Da súa etapa como alcalde de Cambados, recordo, a parte do seu indubidable “sex appeal”, que levou a máis dunha simpatizante pepera a dicir: “Tenemos al alcalde mas guapo de la provincia!!  ou  “Que guapo me va hoy Tourís!” (asegúrovos que eu escoitei isto en máis dalgunha ocasión), dicía, que a parte de isto, recordo moita obra en Cambados, non vaiades a pensar mal, seguro que era porque quería o mellor para Cambados, verdade Tourís? Porque seguro que nunca cobraches un peso na túa xestión o fronte do consistorio cambades, que non fora os teus emolumentos  como alcalde, verdade Tourís? e porque a túa entrada na política municipal foi un indiscutible desexo altruísta  de axudar aos teus veciños, verdade Tourís?

Por certo desa época tamén recordo que Tourís, para evitarse posibles rivais e alternativas á súa figura (como o foi el mesmo de Tirado), optou, intelixentemente, por buscar un tenente de alcalde sen ningunha aspiración política, nin capacidade  algunha nin ansias de disputarlle o trono cambades …………. a afortunada foi Rosa Oubiña, mellor elección imposible.

Tamén recordo desa época o seu especial apego, primeiro, a Manuel Fraga e posteriormente a Feijoo, xa fose na Festa do Albariño ou coa escusa de calquera sarao  ou inauguración que  se levase a cabo e que, sen dúbida, influíu para  colocarse na  mellor posición de cara a progresar dentro do partido como posteriormente se vería o ser elixido Delegado Provincial da Xunta na provincia, e xunto co ínclito Rafael Louzán, presidente da Diputación, erixíronse como  unha especie de  Rómulo e Remo o fronte  desta particular Roma que é Pontevedra.

Iso si, antes de irse, Tourís tivo, a precaución de colocar a alguén que lle gardase o sitio (por si  a súa carreira autonómica non era o suficientemente longa xa que sempre cabe a posibilidade de que volva   a gobernar o bipartito )  e que, sobre todo, como no caso de Rosa Oubiña,  non lle puidese facer sombra co que,   para alegría do interesado   e desgraza dos cambadeses, tal honor recalou no insigne Luís Aragunde.

Por certo a raíz das citadas declaracións do ex alcalde de Melide e respetando sempre a presunción de inocencia a que ten dereito o Sr. Tourís, no hipotético caso de que fosen certas, virían a corroborar o papel de “chico de los recados” que sempre amosou  ter o actual alcalde  Aragunde, pois demostrarían quen segue a  gobernar realmente Cambados; aínda que sendo xustos, Aragunde, si que ten algo de autoridade, ten a autoridade (e  a cara ) de pasarlle dietas de comidas ao concello por mais de 8.400 euros en apenas catro meses ou, peor aínda, mais de 3.700 euros en apenas dez días  (“hai que recoñecer, Luís, que non lle saes nada barato ás arcas cambadesas”)

Pero podes estar tranquilo, Tourís,á fin e ao cabo, quen é o xornal  “El País”? ……….. Só   é o xornal mais lido da prensa nacional con case dous millóns de lectores  na súa edición impresa  (datos da segunda oleada do EGM de 2012) pero iso non lle garante a verdade absoluta, verdade Tourís?.

Como se di nestes casos deixemos que a xustiza faga o seu traballo e poña algo de luz neste caso,non xa por Tourís, senón  polo ben  do nobre nome do pobo de Cambados.

Un saúdo a todos.

Ricardo Domínguez Rey. 

Tourís di na Voz de Arousa que é unha mentira que levara cartos por comisións en obras de Cambados


O ex alcalde e agora candidato a parlamentario polo PP contesta hoxe ás preguntas de Serxio González en La Voz de Galicia de Arousa. Na entrevista, Tourís aproveita para negar que cobrara comisións na adxudicación dunhas obras en Burgáns, tal e como deixaría entrever unha cinta que custodia agora o xulgado de Arzúa. Cores Tourís di que non quere falar do tema, en mans dos seus avogados, e que falará disto despois das eleccións. Seguir lendo

Aragunde non convocará a comisión de investigación polo caso Tourís


A petición do BNG vai ser rexeitada polo Goberno de Cambados, segundo adiantou o alcalde Luís Aragunde. O rexedor non considera necesaria esta comisión, xa que os edís do BNG poden solicitar os expedientes que precisen. Obvia o alcalde que noutros casos cando menos escuros, como o de Pinal de Maza (no que tamén está relacionado Cores Tourís) o Concello leva desde hai dous plenos sen contestar ás preguntas dos nacionalistas e se lle obstaculiza o acceso aos expedientes. Aragunde insiste sobre o tema Tourís que o Concello lle condeceu a obra a Excamel SL por ser “a máis barata”. Lembrar que as gravacións que están xa no xulgado de Arzúa relacionan esta adxudicación co pago de 9.000 euros a Cores Tourís, que agora é candidato ao Parlamento polo Partido Popular.

O caso Tourís salta aos medios galegos mentres o PP de Cambados apoia ao ex alcalde e o BNG pide investigar


A nova sobre as gravacións nas que presuntamente se relaciona a Cores Tourís co cobro dunha comisión para que o Concello de Cambados adxudicara obras á empresa Excamel SL, saltou xa ás páxinas de todos os diarios. Hoxe La Voz de Galicia publica o asunto na páxina principal da súa web e os diarios comarcais recollen a demanda do BNG de crear unha comisión de investigación no Concello para esclarecer a relación desta empresa co goberno local. Luís Aragunde, quen asinou as obras en cuestión, dixo estar moi confiado na inocencia de Tourís e o propio ex alcalde dixo que el non ten nada que ver neste asunto. Seguir lendo

Aragunde xa era alcalde cando se adxudicaron as obras das presuntas comisións a Tourís


Hoxe El País publica máis datos sobre as gravacións entregadas ao xulgado de Arzúa nas que supostamente se escoita como o pai dun empresario afirma que Tourís recibiu cartos a cambio de adxudicar obras. As obras en cuestión foron dadas a esta empresa (Excamel SL) no ano 2010, sendo alcalde xa Luís Aragunde. De aí que na gravación se especifique que non foi Aragunde que tería recibido os cartos senón Cores Tourís (“9.000 euros fueron para Cambados para el alcalde, no, para Tourís“). En concreto, a obra foi adxudicada por procedemento negociado sen publicidade e ten un valor de 112 mil euros (a información aínda está colgada na web do Concello). Tratábase de rehabilitar os servizos deportivos de Cambados e Burgáns. Seguir lendo

El País destapa gravacións segundo as cales Tourís tería recibido 9.000 euros a cambio de adxudicacións


O xornal El País na súa edición galega publica hoxe unha nova na que se relaciona ao ex alcalde de Cambados cun presunto caso de corrupción. O artigo en cuestión fai referencia a unhas gravacións que se atopan no xulgado de Arzúa nas que o ex senador Miguel Pampín fala de supostos pagos irregulares da empresa do seu fillo, a cambio de adxudicacións públicas. Un dos salpicados por estas conversas é Cores Tourís, do que o ex senador di, falando dos pagos: “9.000 euros fueron para Cambados para el alcalde, no, para Tourís”. Outro dos implicados é o ex alcalde de Antas de Ulla, que segundo estas informacións tería embolsado 11.000 euros. Seguir lendo

A Axencia de Protección Urbanística “pasa” do tema do Pinal da Maza e o BNG pide sancións


O BNG recibiu resposta da Axencia Galega de Protección da Legalidade Urbanística, pero non é demasiado satisfactoria xa que volve pasar a pelota ao tellado do Concello. Víctor Caamaño respondeu á Axencia que o goberno local demostrou até o momento pasividade e mesmo permisividade coa presunta infracción cometida en Maza, que salpica a un concelleiro do PP e á familia de Cores Tourís. Para Caamaño está claro que non é legal cambiar o uso do solo forestal para viñedo e que hai probas claras de que houbo movemento de terras (algo non conforme á norma). Para o BNG non é lóxico que a Axencia simplemente lle transmita ao Concello esta denuncia, porque o goberno de Aragunde leva desde Maio sen respostar sobre estas cuestións e, polo tanto, sen iniciar accións sobre o tema. Por isto, Caamaño pídelle a esta Axencia que inicie un expediente sancionador ou que polo menos se asegure de que o Concello vai facelo. Seguir lendo

Cores Tourís é cesado como delegado para ocupar un posto na lista do PP


Foi alcalde de Cambados, senador en Madrid (por certo, un dos galegos menos traballadores na Cámara Alta) e agora era Delegado Territorial da Xunta en Pontevedra. Hoxe Feijóo anuncia o seu cesamento, pero non, non se trata de apartalo da vida política senón de premialo e elixilo para as listaxes do PP por Pontevedra. Isto é así porque os altos cargos son inelixíbeis e polo tanto, deben cesar antes de integrar unha candidatura. Seguir lendo

Aragunde e Tourís falan sobre a estatua de Fraga


Grazas ao blog A ti meu Cambados coñecemos que tanto o alcalde de Cambados, Luís Aragunde, como o delegado da Xunta, Cores Tourís, realizaron declaracións a Onda Cero sobre o tema da estatua de Fraga. Os dous quixeron resaltar que a polémica, na súa opinión, é artificial. Para Tourís é cousa “do Bloque” e para Aragunde “dos grupos da oposición”, máis xenericamente. Resulta sorprendente escoitar a Cores Tourís inventando datos, como o de que un xornal publicou unha enquisa na que “había o noventa e tantos por cen que estan dacordo”. Se alguén coñece cal é esa enquisa por favor, estaríamos moi interesados en coñecela. Seguir lendo

Nas redes sociais

Marzo 2023
L M M X V S D
 12345
6789101112
13141516171819
20212223242526
2728293031  

Arquivo

RSS Praza Pública – Novas

  • An error has occurred; the feed is probably down. Try again later.
wordpress counter

Escribe o teu enderezo de correo electrónico para seguir este blogue e recibir notificación dos novos artigos.